ಈ ಮೊದಲು ವ್ಯಾಪಾರ ಸಂಘಟನೆಗಳಾದ ಬೆಂಗಳೂರಿನ ಎಫ್ಕೆಸಿಸಿಐ ಮತ್ತು ಹುಬ್ಬಳ್ಳಿಯ ವಾಣಿಜ್ಯೋದ್ಯಮ ಸಂಸ್ಥೆಗಳು, ನಮ್ಮನ್ನೊಳಗೊಂಡ ಹಲವಾರು ವ್ಯಾಪಾರಿ ಸಂಘಟನೆಗಳು ಮುಖ್ಯಮಂತ್ರಿಗಳನ್ನು ಹಾಗೂ ಎಪಿಎಂಸಿ ಸಚಿವರನ್ನು ಮತ್ತು ಕೃಷಿ ನಿರ್ದೇಶಕ ಕರಿಗೌಡರನ್ನು ಭೇಟಿಯಾದಾಗ ಮಾರುಕಟ್ಟೆ ಸೆಸ್ನ್ನು ಶೇ. 0.20 ಆಕರಿಸುವುದಾಗಿ ಭರವಸೆ ನೀಡಿದ್ದರು. 10-15 ವರ್ಷಗಳ ರೈತರ ಹಿತಾಸಕ್ತಿಯ ವ್ಯಾಪಾರಸ್ಥರ ಬೇಡಿಕೆಯಾದ ಸೆಸ್ನ್ನು ಕಡಿತಗೊಳಿಸಲು ವಿನಂತಿಸಲಾಗಿತ್ತು. ಶೇ. 1.50ರ ಸೆಸ್ನಲ್ಲಿ ಶೇ. 0.50ನ್ನು ರೈತರಿಗೆ ಆವರ್ತ ನಿಧಿಯಾಗಿ ಕಾಯ್ದಿರಿಸಲಾಗಿತ್ತು. ಸದ್ಯಕ್ಕೆ ಸಾವಿರಾರು ಕೋಟಿಯಷ್ಟು ಆವರ್ತನಿಧಿ ಸಂಗ್ರವಾಗಿದ್ದು, ಕೇವಲ ಶೇ. 0.50 ಸೆಸ್ ಕಡಿಮೆ ಮಾಡಿದ್ದು, ಕೇವಲ ಆವರ್ತನಿಧಿ ತೆಗೆದಂತಾಗಿದೆ. ನೆರೆ ರಾಜ್ಯಗಳಿಗೆ ಹೊಲಿಸಿದರೆ ರಾಜ್ಯದಲ್ಲಿ ದುಬಾರಿಯಾಗಿದೆ. ರೈತರ ಸಂಕಷ್ಟ ಕಾಲದಲ್ಲಿ ವ್ಯಾಪಾಸ್ಥರು ನೆರವಾಗುತ್ತಿದ್ದು, ವ್ಯಾಪಾರಸ್ಥರ/ ರೈತರ ಸಂಬಂಧಕ್ಕೆ ಧಕ್ಕೆಯಾಗಿದೆ. ಎಪಿಎಂಸಿ ಮಾರುಕಟ್ಟೆಯ ವ್ಯಾಪಾರಸ್ಥರ ಹಾಗೂ ಮಾರುಕಟ್ಟೆ ಹೊರಗೆ ವ್ಯಾಪಾರ ಮಾಡುವವರ ನಡುವಿನ ತಾರತಮ್ಯ ಹೋಗಲಾಡಿಸಿ ವ್ಯಾಪಾರಸ್ಥರ ಹಾಗೂ ಮಾರುಕಟ್ಟೆ ಮೇಲೆ ಅವಲಂಬಿತವಾಗಿರುವ ದುಡಿಯುವ ವರ್ಗದ ಹಿತಾಸಕ್ತಿಗಾಗಿ ಮಾರುಕಟ್ಟೆ ಸೆಸ್ನ್ನು ಶೇ. 0.20 ರಷ್ಟು ಸೆಸ್ ವಿಧಿಸಲು ವಿನಂತಿಸಿ ಹಾಗೂ ಪರಿಷ್ಕೃತ ಮಾರುಕಟ್ಟೆ ಸೆಸ್ನ್ನು ವಿಧಿಸುವಿಕೆ ವಿರೋಧಿಸಿ ಸೋಮವಾರದಿಂದ ವ್ಯಾಪಾರ ಬಂದ್ ಮಾಡಲು ನಿರ್ಧರಿಸಲಾಗಿದೆ ಎಂದವರು ತಿಳಿಸಿದರು.
