ಜಿಲ್ಲಾದ್ಯಂತ ಕಳ್ಳಬಟ್ಟಿ ತಯಾರಿಕೆ ನಿಯಂತ್ರಣಕ್ಕೆ ಬುಧವಾರದವರೆಗೆ 283 ಕಡೆಗಳಲ್ಲಿ ದಾಳಿ ಮಾಡಲಾಗಿ 18 ಪ್ರಕರಣಗಳನ್ನು ದಾಖಲಿಸಲಾಗಿದೆ. ಲಾಕ್ಡೌನ್ ನಂತರ 4 ಪ್ರಕರಣಗಳನ್ನು ದಾಖಲಿಸಲಾಗಿದೆ. ಗುರುವಾರ ಒಂದೇ ಕಡೆ 60 ಲೀಟರ್ ಕಳ್ಳಭಟ್ಟಿ ವಶಕ್ಕೆ ಪಡೆಯಲಾಗಿದೆ. ಹರಿಣಶಿಕಾರಿ ಕಾಲನಿ ಬಳಿ ಗೂಡ್ಸ್ ಟೆಂಪೋದಲ್ಲಿ ತೆಗೆದುಕೊಂಡು ಹೋಗುತ್ತಿದ್ದ ಕಳ್ಳಬಟ್ಟಿಯನ್ನು ಅಬಕಾರಿ ಸಿಬ್ಬಂದಿ ವಶಕ್ಕೆ ಪಡೆದಿದ್ದಾರೆ. ಚಾಂದ್ಭಾಷಾ ಮನಿಯಾರ ಬಂಧಿತ ಆರೋಪಿಯಾಗಿದ್ದು ಡಿಸಿ ರವಿ ಶಂಕರ ನೇತೃತ್ವ ದಾಳಿ ನಡೆದಿದೆ.
ಹಿಂದಿನ ದಿನವಷ್ಟೇ ಇದೇ ಕಾಲನಿಯಲ್ಲಿ ಕಳ್ಳಬಟ್ಟಿ ಮಾರಾಟ ಮಾಡುತ್ತಿದ್ದ ಉಗಲಾಬಾಯಿ ಊರ್ಫ್ ರೇಖಾಬಾಯಿ ಭರತ ಕಾಳೆ ಎಂಬುವವರ ಮೇಲೆ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ತಿಕೋಟಾ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಕಳ್ಳಬಟ್ಟಿ ಅಡ್ಡೆ ಮೇಲೆ ದಾಳಿ ನಡೆದಿದ್ದು ಅಂದಾಜು 7 ಲೀಟರ್ ಕಳ್ಳಬಟ್ಟಿ ಸೆರೆ ವಶಕ್ಕೆ ಪಡೆಯಲಾಗಿದೆ. ಸೋಮಣ್ಣ ನರಳೆ, ಚಿಕ್ಕಯ್ಯ ಮಾರುತಿ ದಢಕೆ, ಮಲ್ಲು ಸೋಮಣ್ಣ ನರಳೆ, ಪಾರ್ವತಿ ಎಂಬುವರ ಮೇಲೆ ಪ್ರಕರಣ ದಾಖಲಾಗಿದೆ. ಹೋರ್ತಿ ಠಾಣೆಯ ವ್ಯಾಪ್ತಿಯಲ್ಲಿ ಅಕ್ರಮವಾಗಿ ಸಾರಾಯಿ ಮಾರುತ್ತಿದ್ದ ದಾವಲಸಾಬ ರಹಿಮಾನಸಾಬ ಮುಲ್ಲಾ ಎಂಬುವರ ಮೇಲೆ ಪ್ರಕರಣ ದಾಖಲಾಗಿದೆ.
