ಜೀರೊ ಆಕ್ಸಿಡೆಂಟ್ ಅಭಿಯಾನದಿಂದ ಅಪಘಾತ ಇಳಿಕೆ

ಹೊಸಪೇಟೆ: ಪ್ರತಿ 10 ದಿನಕ್ಕೊಂದು ಸಾರಿಗೆ ಬಸ್ ಗಳ ಅಪಘಾತದಿಂದ ಆಗುತ್ತಿದ್ದ ಸಾವು ನೋವುಗಳು ಜನವರಿಯಿಂದ ಬಹುತೇಕ ಕಡಿಮೆಯಾಗಿದೆ ಎಂದು ಹಿರಿಯ ವಿಭಾಗೀಯ ನಿಯಂತ್ರಣಾದಿಕಾರಿ ರಾಜೇಶ್ ಹುದ್ದಾರ್ ತಿಳಿಸಿದರು.

ನಗರದ ಪತ್ರಿಕಾ ಭವನದಲ್ಲಿ ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು.

ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮ ನಗರ ವಿಭಾಗದಿಂದ ಜೀರೊ ಆಕ್ಸಿಡೆಂಟ್ ಎಂಬ ಅಭಿಯಾನ ಕಳೆದ ಜ.01ರಿಂದ ಆರಂಭಿಸಿದ್ದೇವೆ. ರಾಜ್ಯದಲ್ಲೇ ಇದೇ ಮೊದಲ ಪ್ರಯತ್ನ ನಡೆದಿದೆ. 70 ಕಿಮೀ ವೇಗ ನಿಯಂತ್ರಣ. ನಮ್ಮ ನಿರ್ವಹಣೆ ಮೇಲೆ ಬಸ್‌ಗಳು 15 ಲಕ್ಷ ಕಿಮೀ ಕೂಡ ಒಡಿಸುವ ಸಾಮಾರ್ಥ್ಯ ಇದೆ. ಈ ಹಿಂದೆ 2024ರಿಂದ 2025ರ ವರೆಗೆ 74 ಅಪಘಾತಗಳಾಗಿವೆ. 25 ಮಾರಣಾಂತಿಕ ಅಪಘಾತ, 20 ಗಂಬಿರ ಅಪಘಾತ, 29 ಲಘು ಅಪಘಾತ ನಡೆದಿವೆ. ಕಳೆದ ಜ.01ರಿಂದ ನಡೆದ ಅಭಿಯಾನದಲ್ಲಿ ಲಘು ಅಪಘಾತ ಒಂದು ನಡೆದಿದೆ. 480 ಬಸ್‌ಗಳಿದ್ದು, 10 ಲಕ್ಷ ಕಿಮೀ ಓಡಿರುವ ಬಸ್‌ಗಳ ಸಂಖ್ಯೆ ಹೆಚ್ಚಿವೆ. ಇದಕ್ಕೆ ಉತ್ತಮ ಮೆಕಾನಿಕ್ ಕೆಲಸ ನಡೆಯುತ್ತಿದೆ. ರಸ್ತೆ ಮೇಲೆ ಯಾವುದೇ ಬಸ್ ನಿಲ್ಲದಂತೆ ಕ್ರಮವಹಿಸಲಾದೆ. ಪ್ರತಿ ಚಾಲಕರಿಗೆ ಐಡಿ ಕಾರ್ಡ್, ಹಾಗೂ ಬಸ್‌ನಲ್ಲಿ ಚಾಲಕನಿಗೆ ಕಾಣುವಂತೆ ಹೀರೊ ಆನ್ ವೀಲ್ಸ್, ಸುರಕ್ಷಿತ ಚಾಲಕ ಪ್ರಯಾಣಿಕರ ಮತ್ತು ರಸ್ತೆ ಉಪಯೋಗಿಸುವವರ ಜೀವ ರಕ್ಷಕ ಎಂಬ ಘೋಷವಾಕ್ಯ ಅಂಟಿಸಲಾಗಿತ್ತದೆ. ಇದರಿಂದ ಅಪಘಾತ ಕಡಿಮೆಯಾಗಿದೆ ಎಂದರು.

ವೈದ್ಯರಿಗೆ ವೈದ್ಯೋ ನಾರಾಯಣೋ ಹರಿ ಎಂಬAತೆ ಪ್ರಯಾಣಿಕರಿಗೆ ಹಾಗೂ ರಸ್ತೆ ಉಪಯೋಗಿಸುವವರು ಸಾರಿಗೆ ಚಾಲಕರಿಗೂ ಹೀರೊಗಳು ಎಂದು ಕರಿಯೋಣ. ನಮ್ಮಲ್ಲಿ 1900 ಸಿಬ್ಬಂದಿಗಳಿದ್ದಾರೆ, 600 ಚಾಲಕರಿದ್ದಾರೆ. 325 ಮೆಕಾನಿಕಲ್ ಗಳು ಕೆಲಸ ಮಾಡುತ್ತಿದ್ದಾರೆ. 316 ಚಾಲಕರು ಈ ವರೆಗೆ ಅಪಘಾತ ಮಾಡಿಲ್ಲ. ಅಂತವರನ್ನು ಮಾದರಿಯಾಗಿರಿಸಿಕೊಂಡು ಪಟ್ಟಿ ಮಾಡಲಾಗಿದೆ. ಈಗಿರುವ ಎಲ್ಲಾ ಚಾಲಕರಿಗೂ ಅಪಘಾತ ಆಗದಂತೆ ಎಚ್ಚರಿಕೆ ವಹಿಸುವಂತೆ ಆಗಾಗ ಜಾಗೃತಿ ಮೂಡಿಸಲಾಗಿದೆ.