ಉದ್ಯಾನ ಸ್ವಚ್ಛಗೊಳಿಸಿದ ಮಹಿಳೆಯರು-ಮಕ್ಕಳು

ಉದ್ಯಾನದಲ್ಲಿ ಮರಗಳು ಸಮೃದ್ಧವಾಗಿ ಬೆಳೆದಿದ್ದು, ಇಲ್ಲಿನ ಪರಿಸರ ಬಡಾವಣೆಯ ಜನರು ವಾಯುವಿಹಾರ ಮಾಡಲು ಮತ್ತು ಮಕ್ಕಳು ಆಟ ಆಡಲು ಉಪಯುಕ್ತವಾಗಿದೆ. ಆದರೆ, ಗಿಡಮರಗಳಿಂದ ಬಿದ್ದ ಎಲೆಗಳ ತ್ಯಾಜ್ಯ ವಿಲೇವಾರಿಯಾಗದ ಹಿನ್ನೆಲೆಯಲ್ಲಿ ಉದ್ಯಾನ ವಿಷಜಂತುಗಳು ಆವಾಸಸ್ಥಾನವಾಗಿದೆ. ಇದರಿಂದಾಗಿ ಉದ್ಯಾನ ಸ್ವಚ್ಛಗೊಳಿಸುವಂತೆ ಬಡಾವಣೆ ನಿವಾಸಿಗಳು ಪಟ್ಟಣ ಪಂಚಾಯಿತಿಗೆ ಹಲವು ಬಾರಿ ವಿನಂತಿಸಿದ್ದರೂ ಪ್ರಯೋಜನವಾಗಿರಲಿಲ್ಲ. ಈ ಕಾರಣಕ್ಕೆ ಮಹಿಳೆಯರು ಮಕ್ಕಳೊಂದಿಗೆ ಸ್ವಚ್ಛತೆ ಕೈಗೊಂಡರು.