ಕಡ್ಡಿರಾಂಪುರ ತಾಂಡಾದಲ್ಲಿ ನೀರಿಗೆ ಹಾಹಾಕಾರ

ಹೊಸಪೇಟೆ: ತಾಲೂಕಿನ ಮಲಪನಗುಡಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಕಡ್ಡಿರಾಂಪುರ ತಾಂಡಾದಲ್ಲಿ ಕುಡಿವ ನೀರಿಗೆ ಹಾಹಾಕಾರ ಶುರುವಾಗಿದ್ದು, ಅಧಿಕಾರಿಗಳು ಸಮಸ್ಯೆ ನಿವಾರಣೆಗೆ ಸ್ಪಂದಿಸುತ್ತಿಲ್ಲ ಎಂದು ಗ್ರಾಮಸ್ಥರು ದೂರಿದ್ದಾರೆ.

ಕಡ್ಡಿರಾಂಪುರದಿAದ ತುಂಗಭದ್ರಾ ಜಲಾಶಯ 8 ಕಿಮೀ ದೂರದಲ್ಲಿದೆ. ಗ್ರಾಮದ ಕುಗಳತೆ ದೂರದಲ್ಲಿ ತುಂಗಭದ್ರಾ ನದಿ, ಕಾಲೂವೆಗಳಿವೆ ಆದರೂ ಈ ಗ್ರಾಮದಲ್ಲಿ ಕುಡಿವ ನೀರಿಗಾಗಿ ಹಾಹಾಕಾರ ಶುರುವಾಗಿದೆ. ಗ್ರಾಮದಲ್ಲಿ ಐದು ಕೊಳವೆಬಾವಿ (ಬೋರ್‌ವೆಲ್) ಗಳಿದ್ದು, ನಾಲ್ಕು ಬೋರ್ವೇಲ್ ಕಾರ್ಯ ನಿರ್ವಹಿಸುತ್ತಿವೆ. ಇದರಲ್ಲಿ ಎರಡು ಬೋರ್ವೇಲ್ ಹೊಸ ಹಂಪಿಗೆ ಸಂಪರ್ಕ ಕಲ್ಪಿಸಲಾಗಿದೆ. ಇನ್ನು ಒಂದು ಬೋರ್ವೇಲ್ ದುರಸ್ತಿಯಲ್ಲಿದೆ. ಮತ್ತೊಂದು ಬೋರ್ವೇಲ್ ಇದ್ದು ಇಲ್ಲದಂತಾಗಿದೆ. ಜಲ ಜೀವನ ಮಿಷನ್ ಯೋಜನೆಯ ಹರ್ ಘರ್ ಜಲ್ ಯೋಜನೆಯ ನೀರು ಪೂರೈಕೆ ಕೂಡ ಇಲ್ಲ. ತಿಂಗಳಿಗೆ ಒಂದೇರಡು ವಾರ ನೀರಿಲ್ಲದೇ ಇರುತ್ತದೆ. ಇದರಿಂದ ಕುಡಿವ ನೀರಿಗೆ ಜನರು ಪರದಾಟ ನಡೆಸುವಂತಾಗಿದೆ.

ಗ್ರಾಮದಲ್ಲಿ ಸುಮಾರು 300ರಿಂದ 350 ಮನೆಗಳಿವೆ. ಎರಡು ಸಾವಿರಲ್ಕೂ ಅಧಿಕ ಜನರಿದ್ದಾರೆ. ಮನೆಗಳಿಗೆ ಫೆಬ್ರವರಿ ತಿಂಗಳಿನಿAದ ನೀರು ಬರುತ್ತಿಲ್ಲ. ಇದಕ್ಕೆಲ್ಲ ಪಂಚಾಯಿತಿ ಅಧಿಕಾರಿಗಳ ನಿರ್ಲಕ್ಷ್ಯವೇ ಕಾರಣವಾಗುದೆ. ಕಳೆದ ಒಂದೂವರೆ ತಿಂಗಳಿನಿAದ ದಿನನಿತ್ಯದ ಬಳಕೆಗೆ ಕೆಲವರು ಟ್ಯಾಂಕರ್ ಮೂಲಕ ನೀರು ತರಿಸುತ್ತಿದ್ದಾರೆ. ಒಂದು ಸಣ್ಣ ಟ್ಯಾಂಕರ್‌ಗೆ ಸಾವಿರ ರೂ. ಭರಿಸಬೇಕಾಗಿದೆ. ಈ ನೀರನ್ನು 3 ರಿಂದ 4 ದಿನಗಳ ಕಾಲ ಮಾತ್ರ ಬಳಕೆ ಮಾಡಬಹುದು. ಮಾರ್ಚ್ ನಿಂದ ಟ್ಯಾಂಕರ್ ಮೂಲಕ ನೀರು ತರಿಸುವ ಅನಿವಾರ್ಯತೆಯನ್ನು ಇಲ್ಲಿನ ಗ್ರಾಮ ಪಂಚಾಯತ್ ಸೃಷ್ಟಿಸಿದೆ. ಬಹುತೇಕ ಜನರು ಬೈಕ್, ಆಟೊಗಳಲ್ಲಿ ತೋಟಗಳಿಂದ ನೀರು ತರುತ್ತಿದ್ದಾರೆ. ಇದರಿಂದ ಜನರು ನೀರಿಗಾಗಿ ಪರಿತಪಿಸುತ್ತಿದ್ದು, ಅಧಿಕಾರಿಗಳು ಸಮಸ್ಯೆ ನಿವಾರಣೆಗೆ ಸ್ಪಂದಿಸಿಲ್ಲ ಎಂದು ಎಂದು ಸ್ಥಳೀಯರು ಆಕ್ರೋಶವಾಗಿದೆ.

"