ನಿವೃತ್ತ ನ್ಯಾಯಾಧೀಶೆ ವಿರುದ್ಧ ತೀರ್ಪು

ಹೊಸಪೇಟೆ: ತುಂಗಭದ್ರಾ ಜಲಾಶಯದ ಆಸ್ತಿಯನ್ನು ಯಾರೂ ಮಾರುವಂತಿಲ್ಲ, ಖರೀಸುವಂತಿಲ್ಲ ಎಂದು ತುಂಗಭದ್ರಾ ಆಡಳಿತ ಮಂಡಳಿ (ಟಿಬಿಬಿ) ಕಾರ್ಯದರ್ಶಿ ಒ.ಆರ್.ಕೆ.ರೆಡ್ಡಿ ತಿಳಿಸಿದರು.

ನಗರದ ತುಂಗಭದ್ರಾ ಆಡಳಿತ ಮಂಡಳಿ ಕಚೇರಿಯಲ್ಲಿ ಬುಧವಾರ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು.

ಟಿಬಿಡ್ಯಾಂ ಆಸ್ತಿಯನ್ನು ಕರ್ನಾಟಕ, ಆಂದ್ರ, ತೆಲಂಗಾಣ ರಾಜ್ಯಗಳಿಗೆ ಸಂಬAಧಿಸಿದೆ. ಟಿಬಿಬಿ ನೌಕರರಿಗೆ ಹಾಗೂ ನಿವೃತ್ತ ನೌಕರರಿಗೆ ಷರತ್ತಿನ ಮೇಲೆ ಲೀಸ್ ಮಾತ್ರ ನೀಡಲಾಗುತ್ತದೆ. ಅದನ್ನು ಹೊರತು ಪಡಿಸಿ ವ್ಯಕ್ತಿಯ ಹೆಸರಿಗೆ ಆಸ್ತಿ ಮಾರಾಟ ಮಾಡಲ್ಲ. ಆದರೆ, ನಗರದ ನಿಶಾನಿ ಕ್ಯಾಂಪ್, ಪಿಎಲ್ಸಿ, ಅಮರಾವತಿ ಕಾಲೋನಿ, ಇವಿ ಕ್ಯಾಂಪ್, ಮಾರುತಿ ನಗರ್ ಸೇರಿ ಇತರೆ ಕಡೆಯ ಟಿಬಿಡ್ಯಾಂ ಆಸ್ತಿಯನ್ನು ಒತ್ತುವರಿ ಹಾಗೂ ಕಬಳಿಕೆ ಮಾಡುತ್ತೀರುವವರ ವಿರುದ್ಧ ನ್ಯಾಯಾಲಯದಲ್ಲಿ 23 ಪ್ರಕರಣಗಳನ್ನು ಹಾಕಲಾಗಿದೆ. ಇದರಲ್ಲಿ ಒಂದು ಪ್ರಕರಣ ಟಿಬಿಬಿ ಪರವಾಗಿ ತೀರ್ಪು ಬಂದಿದೆ ಎಂದರು.

ದಾಖಲಿಸಿದ 23 ಪ್ರಕರಣಗಳಲ್ಲಿ ನಿವೃತ್ತ ನ್ಯಾಯಾಧೀಶೆ ಪರಿಮಳ (ಹೆಸರು ಬದಲಿಸಲಾಗಿದೆ) ಕೂಡ ಒಬ್ಬರಾಗಿದ್ದಾರೆ. ಇವರು ಈ ಆಸ್ತಿಯನ್ನು ಖರೀದಿಸಿರುವೆ ಎಂದು ಅಕ್ರಮವಾಗಿ ಟಿಬಿಬಿ ನಿಯಮಗಳನ್ನು ಉಲ್ಲಂಘಿಸಿ ಮನೆ ನಿರ್ಮಾಣ ಮಾಡಿದ್ದಾರೆ. ಇವರಿಗೆ ಹಲವು ಸೂಚನೆ ನೀಡಿದರು, ಪ್ರಯೋಜನವಾಗಲಿಲ್ಲ. ಆದ್ದರಿಂದ ಕಳೆದ ಒಂದು ವರ್ಷದ ಹಿಂದೆ ನ್ಯಾಯಾಲಯದಲ್ಲಿ ದಾವೆ ಹೂಡಲಾಯಿತು. ಈಗ ಟಿಬಿಬಿ ಪರ ತೀರ್ಪು ಬಂದಿದೆ ಎಂದರು.

ಟಿಬಿಡ್ಯಾA ಆಸ್ತಿಯನ್ನು ಲೀಸ್ ಪಡೆಯಬಹುದು. ಮಾರುವಂತ್ತಿಲ್ಲ, ಖರೀದಿಸುವಂತಿಲ್ಲ. ನಿಯಮ ಬಾಹಿರವಾಗಿ ಆಸ್ತಿಯನ್ನು ಮನೆ ನಿರ್ಮಾಣ ಮಾಡಿದವರ ವಿರುದ್ಧ ಟಿಬಿಬಿಯಿಂದ ಎಚ್ಚರಿಕೆ ನೀಡಿದೆ. ಕೆಲವರು ಮಾರಾಟ ಮಾಡುತ್ತಿದ್ದೇವೆ ಎಂದು ಕೆಲ ನಕಲಿ ದಾಖಲೆ ತೋರಿಸಿ ಮಾರಾಟ ಮಾಡುತ್ತಿದ್ದಾರೆ. ಇದರಿಂದ ಸಾರ್ವಜನಿಕರು ಎಚ್ಚರಿಕೆ ವಹಿಸಬೇಕು ಎಂದರು.

ಟಿಬಿಡ್ಯಾA ಇಇಗಳಾದ ನಾರಾಯಣ್ ನಾಯ್ಕ, ಚಂದ್ರಶೇಖರ, ಎಸ್‌ಒ ಕಿರಣ್ ಕುಮಾರ್ ಇತರರಿದ್ದರು.