ಅಂತರರಾಷ್ಟ್ರೀಯ ಆದಿವಾಸಿ ಸಾಹಿತ್ಯ ಸಮ್ಮೇಳನಕ್ಕೆ ಅಂಜಲಿ

ಹೊಸಪೇಟೆ: ಮಧ್ಯಪ್ರದೇಶದ ಭೋಪಾಲ್‌ನಲ್ಲಿ ಜೂ.28 ರಿಂದ ಜುಲೈ 2 ರವರೆಗೆ ನಡೆಯಲಿರುವ ಅಂತರರಾಷ್ಟ್ರೀಯ ಭಾರತೀಯ ಆದಿವಾಸಿ ಸಾಹಿತ್ಯ ಸಮ್ಮೇಳನ ನಗರದ ಲೇಖಕಿ ಅಂಜಲಿ ಬೆಳಗಲ್ ಮುಖ್ಯ ಅತಿಥಿಯಾಗಿದ್ದಾರೆ.

ಭೋಪಾಲ್ ಸರ್ಕಾರ, ಪರಾಕ್ರಮ ಜನಸೇವಾ ಸಂಸ್ಥಾನ ಮತ್ತು ಗ್ಲೋಬಲ್ ಇಂಡಿಜಿನಿಯಸ್ ಇನ್‌ಸ್ಟಿಟ್ಯೂಟ್ ಆಫ್ ವಾಯ್ಸ್ ಎಜುಕೇಶನ್ ಆಂಡ್ ಎಂಪವರ್‌ಮೆAಟ್ ಸಂಯುಕ್ತವಾಗಿ ಹಮ್ಮಿಕೊಂಡಿರುವ ಈ ಆಲ್ ಇಂಡಿಯಾ ಟ್ರೈಬಲ್ ಲಿಟರರಿ ಫೆಸ್ಟಿವಲ್ ನಲ್ಲಿ ರಾಜ್ಯದಿಂದ ಭಾಗವಹಿಸುತ್ತಿರುವ ಏಕೈಕ ಪ್ರತಿನಿಧಿ ಇವರಾಗಿದ್ದಾರೆ. ಸಮ್ಮೇಳನದಲ್ಲಿ ಇವರು ಕನ್ನಡ ಸಾಹಿತ್ಯ ಮತ್ತು ಕರ್ನಾಟಕದ ಆದಿವಾಸಿ ಸಮುದಾಯಗಳ ಸ್ಥಿತಿಗತಿಗಳ ಕುರಿತು ಮಾತನಾಡಲಿದ್ದಾರೆ.

700 ವರ್ಷಗಳ ಸುದೀರ್ಘ ಇತಿಹಾಸವಿರುವ ಜಾನಪದ ಕಲೆಯಾದ ಮೂಲ ತೊಗಲುಗೊಂಬೆ ಆಟದ ಹಿನ್ನೆಲೆಯುಳ್ಳ ಕುಟುಂಬದಿAದ ಬಂದ ಅಂಜಲಿ ಬೆಳಗಲ್ ಅವರು ಕಳೆದ 20 ವರ್ಷಗಳಿಂದ ಸಾಹಿತ್ಯ ಕ್ಷೇತ್ರದಲ್ಲಿ ಸಕ್ರಿಯರಾಗಿದ್ದಾರೆ. ಚಿಕ್ಕ ವಯಸ್ಸಿನಲ್ಲೇ ಪರಿಸರ ಪ್ರೇಮ, ವಿಕಲಚೇತನರ ಸೇವೆ ಹಾಗೂ ಆದಿವಾಸಿ ಸಮುದಾಯಗಳ ಕುರಿತು ಅವರು ನಡೆಸಿದ ಅಧ್ಯಯನ ಮತ್ತು ಸಾಹಿತ್ಯ ಕೃಷಿಯನ್ನು ಗೌರವಿಸಿ ಈ ಆಹ್ವಾನ ನೀಡಲಾಗಿದೆ.

ಈ ಸಮ್ಮೇಳನದಲ್ಲಿ ಜಮ್ಮು-ಕಾಶ್ಮೀರ, ಕಾರ್ಗಿಲ್, ಛತ್ತೀಸ್‌ಗಢ, ಒಡಿಶಾ ಸೇರಿದಂತೆ ದೇಶದ ವಿವಿಧ ರಾಜ್ಯಗಳ ಖ್ಯಾತ ಸಾಹಿತಿಗಳು ಹಾಗೂ ಭಾರತೀಯ ಸೈನಿಕರು ಭಾಗವಹಿಸಲಿದ್ದಾರೆ ಎಂದು ಪರಾಕ್ರಮ ಜನಸೇವಾ ಸಂಸ್ಥಾನದ ಶರದ್ ಸಿಂಗ್ ಕುಮ್ರಿ ತಿಳಿಸಿದ್ದಾರೆ. ವಿಜಯನಗರದ ಲೇಖಕಿ ಅಂತರರಾಷ್ಟ್ರೀಯ ಮಟ್ಟದಲ್ಲಿ ರಾಜ್ಯವನ್ನು ಪ್ರತಿನಿಧಿಸುತ್ತಿರುವುದು ಕರ್ನಾಟಕಕ್ಕೆ ಹೆಮ್ಮೆಯ ಸಂಗತಿಯಾಗಿದೆ.