ಕುತೂಹಲ ಮೂಡಿಸುತ್ತದೆ ಚಂದ್ರನ ಮೇಲ್ಮೈ

ರಾಷ್ಟ್ರೀಯ ವಿಜ್ಞಾನ ದಿನಾಚರಣೆ ಅಂಗವಾಗಿ ಹೊಳಗುಂದಿ ಗ್ರಾಮದ ಸಿದ್ದೇಶ್ವರ ಗುಡ್ಡದಲ್ಲಿ ಪರಿವರ್ತನಾ ಸಂಸ್ಥೆ ಹಾಗೂ ತುಮಕೂರಿನ ವಿಜ್ಞಾನ ಕೇಂದ್ರದಿಂದ ವಿದ್ಯಾರ್ಥಿಗಳಿಗಾಗಿ ಆಯೋಜಿಸಿದ್ದ ಆಕಾಶ ವೀಕ್ಷಣೆ ಕಾರ್ಯಕ್ರಮದಲ್ಲಿ ಶನಿವಾರ ಮಾತನಾಡಿದರು.

ಗ್ರಹಗಳ ಚಲನೆ, ಚಂದ್ರನ ಮೇಲ್ಮೈ ವಿನ್ಯಾಸ ನಮ್ಮಲ್ಲಿ ಕುತೂಹಲ ಮೂಡಿಸುತ್ತವೆ. ಸೂರ್ಯನ ಚಲನದಿಂದ ಭೂಮಿಯ ಒಂದು ಭಾಗದಲ್ಲಿ ಕತ್ತಲು ಮತ್ತೊಂದು ಭಾಗದಲ್ಲಿ ಬೆಳಕು ಆವರಿಸಿಕೊಳ್ಳುತ್ತದೆ. ಕತ್ತಲಿನಲ್ಲಿ ನಕ್ಷತ್ರ ಸೇರಿದಂತೆ ಇತರ ಗ್ರಹಗಳು ಗೋಚರಿಸುತ್ತವೆ ಎಂದರು.

ವಿದ್ಯಾರ್ಥಿಗಳು ಹಾಗೂ ಗ್ರಾಮಸ್ಥರು ಸಂಜೆ 6 ಗಂಟೆಯಿಂದ ರಾತ್ರಿ 9 ಗಂಟೆವರೆಗೆ ನಾಲ್ಕು ದೂರದರ್ಶಕಗಳ ಸಹಾಯದಿಂದ ಚಂದ್ರನ ಮೇಲ್ಮೈಯಲ್ಲಿನ ಕುಳಿಗಳು, ಗುರುಗ್ರಹ ಮತ್ತು ಅದರ ಉಪಗ್ರಹಗಳು, ಶುಕ್ರ ಗ್ರಹದ ಪ್ರಕಾಶಮಾನತೆ ಹಾಗೂ ಕೆಲವು ಪ್ರಸಿದ್ಧ ನಕ್ಷತ್ರಮಂಡಲಗಳನ್ನು ವೀಕ್ಷಿಸಿದರು.

ಪರಿವರ್ತನಾ ಸಂಸ್ಥೆ ಸದಸ್ಯ ಲೋಕೇಶ್ ಎಂ., ಶಿಕ್ಷಕರಾದ ಪ್ರಶಾಂತ, ನವೀನ್ ಕೃಷ್ಣ, ಆರ್.ಬಿ.ಗುರುಬಸವರಾಜ, ಪ್ರಮುಖರಾದ ಕರಿಬಸಪ್ಪ ಹೊಳೆಯಾಚಿ. ಕೊಟ್ರೇಶ ಬಿ., ರಾಜನಗೌಡ ಪಾಟೀಲ್, ಹನುಮಂತಪ್ಪ, ಸಿದ್ಲಿಂಗಪ್ಪ, ಡಾ.ನೆಪೋಲಿಯನ್, ಶಾಂತಪ್ಪ ಇತರಿರದ್ದರು.