ಕೂಡ್ಲಿಗಿಯಲ್ಲಿ ಆಂಜನೇಯಸ್ವಾಮಿಗೆ ವಿಶೇಷ ಪೂಜೆ

ರಥೋತ್ಸವ ಅಂಗವಾಗಿ ಸೋಮವಾರ ಪಂಚಮಿಯಂದು ಕಂಕಣಧಾರಣೆ, ಬುಧವಾರ ಸಪ್ತಮಿ ದಿನ ಸೀತಾರಾಮ ಕಲ್ಯಾಣೋತ್ಸವ, ಗುರುವಾರ ಗರುಢೋತ್ಸವ, ಶುಕ್ರವಾರ ಆಂಜನೇಯ ಸ್ವಾಮಿಗೆ ಬ್ರಾಹ್ಮೀ ಮುಹೂರ್ತದಲ್ಲಿ ಪಂಚಾಮೃತ ಅಭಿಷೇಕ, ಅಲಂಕಾರ ಸೇವೆ, ಅಷ್ಟಾವಧಾನ ಸೇವೆ, ನೈವೇದ್ಯ ಜರುಗಿತು.

ಬ್ರಹ್ಮ ರಥೋತ್ಸವ ಅಂಗವಾಗಿ ಸ್ವಾಮಿ ರಥವನ್ನು ಬೃಹತ್ ಹೂವಿನ ಹಾರ, ಬಾಳೆಕಂಬ, ತಳಿರು ತೋರಣಗಳಿಂದ ಅಲಂಕಾರ ಮಾಡಲಾಗಿತ್ತು. ಅಪರಾಹ್ನ 12 ಗಂಟೆಗೆ ಜೋಯಿಸ್ ಹಯವಧನಚಾರ್ ಹಾಗೂ ಅರ್ಚಕ ಜಿ.ಪಿ.ರಂಗನಾಥ ನೇತೃತ್ವದಲ್ಲಿ ಬಲಿ ಹರಣ, ರಥಾಂಗಹೋಮ ನಂತರ ಮಡಿಯಲ್ಲಿದ್ದ ಋತ್ವಿಜರು ಹಾಗೂ ನೂರಾರು ಭಕ್ತರ ಸಮ್ಮುಖದಲ್ಲಿ ಬ್ರಹ್ಮ ರಥೋತ್ಸವ ಜರುಗಿತು. ಬೆಳಗ್ಗೆ ದರ್ಶನಕ್ಕೆ ಬಂದಿದ್ದ ಭಕ್ತರಿಗೆ ಕೋಸಂಬರಿ, ಪಾನಕ ಹಾಗೂ ಪುಳಿಯೋಗರೆ ಪ್ರಸಾದ ವಿತರಣೆ ಮಾಡಲಾಯಿತು.

ಜೋಯಿಸ್ ಮಧುಸೂದನ್ ಆಚಾರ್, ಅರ್ಚಕ ಜಿ.ಪಿ.ಪ್ರಸನ್ನ, ಜಿ.ಕೆ.ಮುರುಳೀಧರ, ಜಿ.ಕೆ.ವೇಣುಗೋಪಾಲ, ಕಾವಲಿ ಶಿವಪ್ಪನಾಯಕ, ಎನ್.ಗಂಗಾಧರ, ಮಾಳ್ಗಿ ಗುರು, ಎಸ್.ಸುರೇಶ್, ಸಚಿನ್ ಕುಮಾರ್, ಅಂಜನಿ, ಮಣಿಕಂಠ, ದುರುಗೇಶ್, ವೃಷಬೇಂದ್ರ, ಸತೀಶ್ ಇತರರಿದ್ದರು.