ಶಿವನಾರದಮುನಿ ರಥೋತ್ಸವ ಅದ್ದೂರಿ

ಮಣ್ಣಿನ ಮಡಕೆಯಲ್ಲಿ ಅನ್ನ, ಬಾಳೆಹಣ್ಣು, ಸಕ್ಕರೆಯಿಂದ ತಯಾರಿಸಿದ ಎಡೆಯನ್ನು ಭಕ್ತರು ಹೆಗಲ ಮೇಲೆ ಹೊತ್ತು ತಂದು ನಾರದಮುನಿಗೆ ಸಮರ್ಪಿಸಿದರು. ಭಕ್ತರು ನಾರು ಎಸೆದು ಭಕ್ತಿ ಸಮರ್ಪಿಸಿದರು. ನಿಷೇಧದ ನಡುವೆ ಭಕ್ತರು ಬಾಳೆಹಣ್ಣು ಎಸೆದರು.

ರಥೋತ್ಸವಕ್ಕೂ ಮುನ್ನ ನಾರದಮುನಿ ಸೇವಾ ಟ್ರಸ್ಟ್ ಅಧ್ಯಕ್ಷ ಅಣಬೇರು ರಾಜಣ್ಣ ಒಂದು ಕೋಟಿ ರೂ. ವೆಚ್ಚದಲ್ಲಿ ನಿರ್ಮಿಸಲಾದ ಬೆಡಗಿನ ಮನೆ ಕಟ್ಟಡ ಉದ್ಘಾಟಿಸಿದರು. ಭಕ್ತರ ಅನುಕೂಲಕ್ಕಾಗಿ ದೇವಸ್ಥಾನದ ಆವರಣದಲ್ಲಿ ಮೂಲ ಸೌಕರ್ಯ ಕಲ್ಪಿಸಲಾಗಿದೆ. ಭಕ್ತರಿಗೆ ಯಾತ್ರಿ ನಿವಾಸ ವ್ಯವಸ್ಥೆ ಮಾಡಲಾಗಿದೆ ಎಂದು ತಿಳಿಸಿದರು.

ಟ್ರಸ್ಟ್ ಉಪಾಧ್ಯಕ್ಷ ವಡ್ಡಿನಹಳ್ಳಿ ಷಡಕಣ್ಣ, ಶಾಮನೂರು ಬಸಣ್ಣ, ಬಸವಲಿಂಗಪ್ಪ, ಪಲ್ಲಾಗಟ್ಟೆ ನಾಗರಾಜ್, ಹೊಳಲ್ಕೆರೆ ವೇದಮೂರ್ತಿ, ಹುಣಸಿಹಳ್ಳಿ ಜಾತಪ್ಪ, ಸುರೇಶ ಕುಮಾರ, ಹನಗವಾಡಿ ಮಂಜಣ್ಣ, ಪಿಡಿಒ ಎಂ.ಪ್ರಕಾಶ್ ಇತರರಿದ್ದರು.