ಅಕ್ರಮವಾಗಿ ಸಂಗ್ರಹಿಸಿದ್ದ ಮರಳು ಜಪ್ತಿ

10 ಲಾರಿ ಮರಳನ್ನು ಅಕ್ರಮವಾಗಿ ಸಂಗ್ರಹಿಸಿರುವ ಮಾಹಿತಿ ಆಧಾರಿಸಿ ಈ ದಾಳಿ ನಡೆಸಲಾಯಿತು. ಸ್ಥಳದಲ್ಲಿ ವಾಹನಗಳು ಇರಲಿಲ್ಲ. ಆದರೆ, 10 ಲಾರಿಯಷ್ಟು ಮರಳನ್ನು ವಶಪಡಿಸಿಕೊಂಡು, ಮೈಲಾರ ಪ್ರವಾಸಿ ಮಂದಿರಕ್ಕೆ ಸಾಗಣೆ ಮಾಡಿ ಲೋಕೋಪಯೋಗಿ ಇಲಾಖೆಗೆ ಹಸ್ತಾಂತರಿಸಲಾಯಿತು.

ನದಿ ತೀರದಿಂದ ಮರಳು ಸಾಗಿಸಲು ಅಕ್ರಮ ದಂಧೆಕೋರರು ರಸ್ತೆ ನಿರ್ಮಿಸಿದ್ದರು. ಜೆಸಿಬಿ ಮೂಲಕ ರಸ್ತೆ ನಾಶಪಡಿಸಿ ವಾಹನಗಳು ಸಂಚರಿಸದಂತೆ ಮಾಡಲಾಯಿತು. ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ಭೂ ವಿಜ್ಞಾನಿಗಳಾದ ಕೀರ್ತಿ ಕುಮಾರ, ಮಲ್ಲಯ್ಯ ಇದ್ದರು.