ಗ್ರಾಮದಲ್ಲಿ ಆರು ನೂರು ಮನೆಗಳಿದ್ದು, ಮೂರು ಸಾವಿರ ಜನಸಂಖ್ಯೆಯನ್ನು ಹೊಂದಿರುವ ಗ್ರಾಮದಲ್ಲಿ ಜನ, ಜಾನುವಾರುಗಳಿಗೆ ಯಾವುದೇ ರೀತಿ ಕಾಯಿಲೆಗಳು ಬಾರದಂತೆ ಪ್ರತಿ ಐದು ವರ್ಷಕ್ಕೊಮ್ಮೆ ಗುಳೆ ಹೋಗುವ ಪದ್ಧತಿಯನ್ನು ಆಚರಿಸಿಕೊಂಡು ಬರಲಾಗುತ್ತಿದೆ. ಆದ್ದರಿಂದ ಗ್ರಾಮದ ಸುತ್ತಲೂ ಒಂದು ಪ್ರಾಣಿಯೂ ನುಸಳದಂತೆ ಮುಳ್ಳಿನ ಪಾರಿಬೇಲಿ ಹಾಕಿದ್ದರು. ಬೆಳಿಗ್ಗೆ 8 ಗಂಟೆಗೆ ಗ್ರಾಮಸ್ಥರೆಲ್ಲರು ಗ್ರಾಮ ದೇವತೆ ಕಾಳಿಕಾದೇವಿಗೆ ಪೂಜೆ ಸಲ್ಲಿಸುವ ಮೂಲಕ ಗ್ರಾಮಸ್ಥರು ಕುಟುಂಬ ಸಮೇತ ಅಗಸಿ ಬಾಗಿಲ ಮೂಲಕ ಹೊರ ನಡೆದರು. ಅಲ್ಲದೆ ತಮ್ಮ ಜತೆಗೆ ತಾವು ಸಾಕಿದ್ದ ಜಾನುವಾರು, ಕೋಳಿ, ಕುರಿ, ನಾಯಿ, ಬೆಕ್ಕುಗಳ ಸಮೇತ ಹೊರ ನಡೆದಿದ್ದು ವಿಶೇಷವಾಗಿತ್ತು.
