ಕನ್ನಡಕ್ಕೆ ಆಗ್ರಮನ್ನಣೆ ದೋರೆದಿದ್ದರೆ, ಪ್ರಗತಿ ಸಾದ್ಯ

ಹೊಸಪೇಟೆ: ಕನ್ನಡ ವಿವಿ ರಾಜ್ಯದ ಹೆಮ್ಮೆ ಮತ್ತು ಅಸ್ಮಿತೆಯ ಸಂಕೇತವಾಗಿದೆ. ಇತರೆ ವಿವಿಗಳಿಗಿಂತ ತನ್ನದೇ ಆದ ವಿಶಿಷö್ಟತೆ ಹೊಂದಿದೆ. ಭಾರತದಲ್ಲಿ ಕನ್ನಡ ಎರಡನೆಯ ಪ್ರಾಚೀನತೆಂiÀ ಭಾಷೆ ಎಂದು ವಿದ್ವಾಂಸರು ಗುರುತಿಸಿದ್ದಾರೆ ಎಂದು ವಿಶ್ವಾಂತ ಪ್ರಾಧ್ಯಾಪಕ ಮತ್ತು ಸಂಸ್ಕೃತಿ ಚಿಂತಕ ಡಾ.ಕೆ.ಮರಳಸಿದ್ದಪ್ಪ ಹೇಳಿದರು.

ಕನ್ನಡ ವಿವಿಯಲ್ಲಿ ಮಂಗಳವಾರ ನಡೆದ ನುಡಿಹಬ್ಬದಲ್ಲಿ ಮಾತನಾಡಿದರು.

ಸರ್ಕಾರಿ ಶಾಲೆಗಳಿಗೆ ಮಕ್ಕಳನ್ನು ಆಕರ್ಷಿಸಲು ಇಂಗ್ಲಿಷ್ ಭಾಷೆ ಕಲಿಸಲು ಸರ್ಕಾರ ಮುಂದಾಗಿದೆ. ಒಂದು ಭಾಷೆಯಾಗಿ ಇಂಗ್ಲಿಷ್ ಕಲಿಯಲು ಯಾರ ಆಕ್ಷೇಪವಿಲ್ಲ. ಆದರೆ ಶಿಕ್ಷಣ ಮಾಧ್ಯಮವಾಗಿ ಇಂಗ್ಲಿಷ್ಗೆ ಮನ್ನಣೆ ನೀಡುವುದು ತುಂಬಾ ಅಪಾಯಕಾರಿ ಬೆಳವಣಿಗೆಯಾಗುತ್ತದೆ. ಸರ್ಕಾರಿ ಶಾಲೆಗಳನ್ನು ಸೇರುವ ಮಕ್ಕಳ ಸಂಖ್ಯೆ ಇಳಿಮುಖ ಕಂಡು, ಸರ್ಕಾರವೇ ಸರ್ಕಾರಿ ಶಾಲೆಗಳನ್ನು ಮುಚ್ಚುತ್ತಿದೆ. ಕೆಪಿಎಸ್ ಮ್ಯಾಗ್ನೆಟ್ ಶಾಲೆಗಳನ್ನು ತೆರೆದು, ಅಕ್ಕಪಕ್ಕದ ಹಳ್ಳಿಗಳ ಪ್ರಾಥಮಿಕ ಶಾಲೆಗಳನ್ನು ಶಾಶ್ವತವಾಗಿ ಮುಚ್ಚಲಾಗುತ್ತದೆ. ಶಾಲೆಯಿಂದ ಹೊರಗುಳಿಯುವ ಮಕ್ಕಳ ಸಂಖ್ಯೆ ಹೆಚ್ಚಬಹುದು. ಬಡವರ ಮಕ್ಕಳ ತಲೆಯ ಮೇಲೆ ಚಪ್ಪಡಿ ಕಲ್ಲು ಎಳೆಯುವ ಇಂತಹ ಪ್ರತಿಷಿö್ಠತ ಯೋಜನೆಗಳನ್ನು ಜನಪರ ಸರ್ಕಾರ ಕೈಗೆತ್ತಿಕೊಳ್ಳಬೇಕೆ? ಎಂದರು.

ಶಾಲಾ ಶಿಕ್ಷಣ ಹೀಗೆ ಖಾಸಗಿ ಶಾಲೆಗಳ ಮತ್ತು ಪ್ರತಿಷಿö್ಠತ ಸರ್ಕಾರಿ ಶಾಲೆಗಳಿಗೆ ಬಲಿಯಾಗುತ್ತಿರುವುದು ಒಂದು ವಿಚಾರವಾದರೆ ಉನ್ನತ ಶಿಕ್ಷಣದ ಕತೆ ಮತ್ತೊಂದು ರೀತಿಯಲ್ಲಿ ದುರವಸ್ಥೆ ತಲುಪಿದೆ. ಜಿಲ್ಲೆಗೊಂದು ವಿವಿ ಎಂಬ ನೀತಿಗೆ ಸರ್ಕಾರಗಳು ಬದ್ಧವಾಗಿವೆ. ಆದರೆ ಈ ಹೊಸ ವಿವಿಗಳಿಗೆ ಅಗತ್ಯ ಸಂಪನ್ಮೂಲಗಳಿಲ್ಲ, ಕಟ್ಟಡಗಳಿಲ್ಲ, ಸುಸಜ್ಜಿತ ಪ್ರಯೋಗಾಲಯಗಳಿಲ್ಲ, ಗ್ರಂಥಭAಡಾರಗಳಿಲ್ಲ. ಇನ್ನೂ ಖಾಯಂ ಪ್ರಾಧ್ಯಾಪಕರಿಲ್ಲದೇ, ಅತಿಥಿ ಪ್ರಾಧ್ಯಾಪಕರನ್ನು ಅವಲಂಬಿಸಿವೆ. ಹಂಗಾಮಿ ಅತಿಥಿ ಉಪನ್ಯಾಸಕರ ಗೋಳನ್ನು ರಾಜ್ಯದಲ್ಲಿ ಕೇಳುವವರೇ ಇಲ್ಲದಂತಾಗಿದೆ. ಪಕ್ಷ ರಾಜಕಾರಣದ ಫಲವಾಗಿ ಶಿಕ್ಷಣ ಕ್ಷೇತ್ರ ಗೊಂದಲದ ಗೂಡಾಗಿದೆ. ಕನ್ನಡಕ್ಕೆ ಆಗ್ರಮನ್ನಣೆ ದೋಯುವುದಿಲ್ಲವೋ ಅಲ್ಲಿಯವರೆಗೆ ಕನ್ನಡದ ನಿಜವಾದ ಪ್ರಗತಿ ಸಾದ್ಯವಿಲ್ಲ. ಸ್ವಾತಂತ್ರö್ಯ, ಸಮಾನತೆ, ಸೌಹಾರ್ದಭಾವವನ್ನು ಯುವಕರ ಮನಸ್ಸಿನಲ್ಲಿ ಬೇರೂರಿಸಬೇಕು. ಸಾಮಾಜಿಕ ಪ್ರಜಾಪ್ರಭುತ್ವ ಅವರ ಜೀವನ ತತ್ವವಾಗಬೇಕು. ಅಧಿಕಾರವನ್ನು ಅವರು ಮೌನವಾಗಿ ಒಪ್ಪಿಕೊಳ್ಳದೆ ಪ್ರಶ್ನಿಸುವುದನ್ನು ಕಲಿಯ ಬೇಕು. ಸಂಕುಚಿತ ಭೌಗೋಳಿಕ ಎಲ್ಲೆಗಳನ್ನು ಮೀರಿ ಅವರು ವಿಶ್ವಮಾನವರಾಗಬೇಕು ಎಂದರು.