ಜೀವನಾಡಿಯಂತಿರುವ ಎಚ್ ಎಲ್ ಸಿ, ಎಲ್ ಎಲ್ ಸಿ, ಹಾಗೂ ಅರಸರ ಕಾಲ ರಾಯ, ಬಸವ ಕಾಲುವೆಗಳ ಪ್ರಮುಖ ಕಾಲುವೆಗಳು ನಗರದಲ್ಲಿ ಅಂದಾಜು 25 ಕಿಮೀ ನಷ್ಟು ಹರಿಯುತ್ತಿದೆ. ಸುದೀರ್ಘ ವಿಸ್ತರಣೆ ಹೊಂದಿರುವ ಈ ಕಾಲುವೆಗಳು ಲಕ್ಷಾಂತರ ಜನರ ಕುಡಿಯುವ ನೀರು ಹಾಗೂ ಕೃಷಿಯ ಆಸರೆಯಾಗಿವೆ. ಆದರೆ, ಸಾರ್ವಜನಿಕರು ಹಾಗೂ ಕೆಲವು ವಾಣಿಜ್ಯ ಮಳಿಗೆಗಳವರು ತ್ಯಾಜ್ಯ ಚೆಲ್ಲುವುದರಿಂದ ಈ ನೀರು ಸಂಪೂರ್ಣ ಕಲುಷಿತಗೊಳ್ಳುತ್ತಿತ್ತು. ಇವುಗಳಲ್ಲಿ ಚರಂಡಿ ನೀರು, ಯುಜಿಡಿ ಸಂಪರ್ಕ ಮತ್ತು ಪ್ಲಾಸ್ಟಿಕ್ ಸೇರಿದಂತೆ ತ್ಯಾಜ್ಯ ಎಸೆಯುವುದಕ್ಕೆ ಶಾಶ್ವತ ತಡೆ ನೀಡುವ ಉದ್ದೇಶದಿಂದ ವಿಶೇಷ ಗ್ರೀನ್ ಸ್ಕ್ವಾಡ್ (ಹಸಿರು ಪಡೆ) ರಚಿಸಲು ನಗರಸಭೆ ಗಂಭೀರ ಚಿಂತನೆ ನಡೆಸಿದೆ.
