ತುಂಗಭದ್ರಾ ಜಲಾಶಯಕ್ಕೆ ವಿಜಯವಾಡದ ಸೆಂಟ್ರಲ್ ಡಿಸೈನ್ ಆರ್ಗನೈಸೇಷನ್ನ ತಜ್ಞರರಾದ ಆರ್.ಆರ್.ವಿಜಯ ಸಾರಥಿ, ಕೆ.ಕೃಷ್ಣ ರಾವ್ ಬುಧವಾರ ಬೇಟಿ ನೀಡಿ ಪರಿಶೀಲನೆ ನಡೆಸಿದರು. ಟಿಬಿಡ್ಯಾಂ ಕಾರ್ಯದರ್ಶಿ ಒ.ಆರ್.ಕೆ.ರೆಡ್ಡಿ, ಎಸ್ ಇ ನಾರಾಯಣ್ ನಾಯ್ಕ, ಇಇ ಎನ್.ಚಂದ್ರಶೇಖರ್, ಪ್ರವೀಣ್ ಕುಮಾರ್ ರೆಡ್ಡಿ, ಜಿ.ಕಿರಣ್ ಇತರರಿದ್ದರು.
Published on:
12 Jun 2026, 4:05 pm
ಹೊಸಪೇಟೆ : ತುಂಗಭದ್ರಾ ಜಲಾಶಯದಲ್ಲಿ ಅಳವಡಿಸಿರುವ ನೂತನ ಕ್ರಸ್ಟ್ ಗೇಟ್ ಗಳ ಗುಣಮಟ್ಟ ಹಾಗೂ ಅಳವಡಿಕೆ ಕಾರ್ಯವನ್ನು ವಿಜಯವಾಡದ ಸೆಂಟ್ರಲ್ ಡಿಸೈನ್ ಆರ್ಗನೈಸೇಷನ್ ನ ( ಸಿಡಿಒ ) ತಜ್ಞರ ತಂಡ ಬುಧವಾರ ಬೇಟಿ ನೀಡಿ ಪರಿಶೀಲನೆ ನಡೆಸಿದರು .
ಸಿಡಿಒದ ಇಇಗಳಾದ ಆರ್ . ಆರ್ . ವಿಜಯಸಾರಥಿ ಮತ್ತು ಕೆ . ಕೃಷ್ಣ ರಾವ್ ಅವರು ಕಾಮಗಾರಿ ಪರಿಶೀಲಿಸಿದರು . ಗೇಟ್ ಹಾಗೂ ಚೈನ್ ಗಳ ಅಳವಡಿಕೆಯು ಯೋಜನೆಯ ನಿಯಮಾವಳಿಗಳಂತೆಯೇ ನಡೆದಿದೆ ಎಂದು ಅವರು ಧೃಡೀಕರಿಸಿದ್ದಾರೆ .2024 ರ ಆ .19 ನೇ ಕ್ರೆಸ್ಟ್ ಗೇಟ್ ಕೊಚ್ಚಿಹೋದ ಬಳಿಕ , ಮೂಲ ರಚನೆಗೆ ಧಕ್ಕೆ ಬಾರದಂತೆ ಎಲ್ಲಾ ಗೇಟ್ ಗಳನ್ನು ಬದಲಿಸಲು ಈ ತಜ್ಞರ ತಂಡವೇ ಸರ್ಕಾರಕ್ಕೆ ಸಲಹೆ ನೀಡಿತ್ತು .
ತಜ್ಞರ ಭೇಟಿಯ ವೇಳೆ ತುಂಗಭದ್ರಾ ಮಂಡಳಿಯ ಕಾರ್ಯದರ್ಶಿ ಒ . ಆರ್ . ಕೆ . ರೆಡ್ಡಿ , ಎಇ ನಾರಾಯಣ ನಾಯ್ಕ ಜಲಾಶಯ ಗೇಟ್ ಗಳ ಸ್ಥಿತಿ ಗತಿ ತಿಳಿಸಿದರು . ಈ ಮಧ್ಯೆ , ಈಗಾಗಲೇ 20 ಗೇಟ್ ಗಳಿಗೆ ಹೊಸ ಚೈನ್ ಅಳವಡಿಕೆ ಕಾರ್ಯ ಪೂರ್ಣಗೊಂಡಿದ್ದು , ಜೂನ್ 20 ರೊಳಗೆ ಜಲಾಶಯದ ಗೇಟ್ ಗಳಿಗೂ ಚೈನ್ ಅಳವಡಿಸುವ ಪ್ರಕ್ರಿಯೆ ಮುಕ್ತಾಯಗೊಳ್ಳಲಿದೆ ಎಂದು ಮಂಡಳಿಯ ಅಧಿಕಾರಿಗಳು ಭರವಸೆ ನೀಡಿದ್ದಾರೆ .
