ಹೊಸಪೇಟೆಯಲ್ಲಿ ಮಂಗಳವಾರ ಗೊಬ್ಬರ ಖರೀದಿಗೆ ಎಫ್ಐಡಿ ವಿರೋಧಿಸಿ ರೈತಸಂಘ ಹಾಗೂ ಹಸಿರು ಸೇನೆ (ಜೆ.ಕಾರ್ತಿಕ್ ಸಂಘಟನೆ) ಪದಾಧಿಕಾರಿಗಳು ಕೃಷಿ ಇಲಾಖೆ ಕೃಷಿ ಜೆಡಿ ಮಂಜುನಾಥ ಅವರಿಗೆ ಮನವಿ ಸಲ್ಲಿಸಿದರು. ಮಹಿಳಾ ಜಿಲ್ಲಾಧ್ಯಕ್ಷ ಜೆ.ಉಮಾದೇವಿ, ಜಿಲ್ಲಾ ಉಪಾಧ್ಯಕ್ಷ ಜಗನ್ರಾಜ್, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಎಲ್.ಎಸ್.ರುದ್ರಪ್ಪ ಇತರರಿದ್ದರು.
Published on:
15 May 2026, 5:16 pm
ರೈತಸಂಘ ಹಾಗೂ ಹಸಿರು ಸೇನೆಯಿಂದ ಕೃಷಿ ಜೆಡಿ ಮನವಿ ಎಫ್ಐಡಿ ಇಲ್ಲದೇ ಗೊಬ್ಬರ ವಿತರಿಸಿ ಹೊಸಪೇಟೆ : ಎಫ್ಐಡಿ ಇಲ್ಲದೇ ಗೊಬ್ಬರ ವಿತರಣೆ ಮಾಡಬೇಕು ಎಂದು ಒತ್ತಾಯಿಸಿ ರೈತಸಂಘ ಹಾಗೂ ಹಸಿರು ಸೇನೆ ( ಜೆ . ಕಾರ್ತಿಕ್ ಸಂಘಟನೆ ) ಯಿಂದ ನಗರದಲ್ಲಿ ಮಂಗಳವಾರ ಕೃಷಿ ಇಲಾಖೆ ಕೃಷಿ ಜೆಡಿ ಮಂಜುನಾಥ ಅವರಿಗೆ ಮನವಿ ಸಲ್ಲಿಸಿದರು .
ಮುಂಬರುವ ಮುಂಗಾರಿನ ರೈತರಿಗೆ ಅನುಕೂಲ ಆಗುವಂತೆ ನೋಡಿಕೊಳ್ಳಬೇಕಾದ ರಾಜ್ಯ ಸರ್ಕಾರ ಎಫ್ಐಡಿ ಇದ್ದರೆ , ಯುರಿಯಾ , ರಸಗೊಬ್ಬರ ವಿತರಣೆ ಮಾಡಬೇಕು ಎಂಬ ನಿರ್ಧಾರ ಅವೈಜ್ಞಾನಿಕವಾಗಿದೆ . ಇದು ರೈತರಿಗೆ ಗೊಂದಲವನ್ನು ಉಂಟು ಮಾಡಿದೆ . ಎಫ್ಐಡಿ ಮೂಲಕ ರಸಗೊಬ್ಬರ ರೈತರಿಗೆ ವಿತರಿಸಬೇಕು ಎನ್ನುವ ಸರ್ಕಾರದ ನಿಯಮದಿಂದ ರೈತರು ಗೊಂದಲ್ಲಿದ್ದಾರೆ .
ಎಫ್ಐಡಿ ಮೂಲಕ ಪ್ರತಿ ಎಕರೆಗೆ ಒಂದು ಚೀಲ ಯೂರಿಯಾವನ್ನು ಒಂದು ತಿಂಗಳು ಎಂಬುವುದನ್ನು ರದ್ದುಪಡಿಸಬೇಕು . ರೈತರು ಬೆಳೆಗಳ ಅವಶ್ಯಕತೆಗೆ ತಕ್ಕಂತೆ ಯೂರಿಯಾ ಮತ್ತು ರಸಗೊಬ್ಬರವನ್ನು ಮಾರುಕಟ್ಟೆಯಲ್ಲಿ ದಸ್ತಾನು ಲಭ್ಯವಿರುವಂತೆ ಸರ್ಕಾರ ಎಚ್ಚರವಹಿಸಬೇಕು . ಖರೀದಿ ಮಾಡುವ ರಸಗೊಬ್ಬರದ ಜತೆಗೆ ರೈತರಿಗೆ ಅವಶ್ಯಕತೆ ಇಲ್ಲದ ಇತರೆ ಉತ್ಪನ್ನಗಳ ಲಿಂಕ್ ಉತ್ಪನ್ನಗಳನ್ನು ಖರೀದಿಸಬೇಕು ಎಂದು ವಿತರಕರಿಂದ ಒತ್ತಡ ಹೇರಲಾಗುತ್ತಿದೆ . ವಿತರಕರ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದರು .
