ಶಾಲೆಗಳ ಅಭಿವೃದ್ಧಿಗೆ ಸಂಘ-ಸಂಸ್ಥೆಗಳ ನೆರವು

ಹರೇಗೊಂಡನಹಳ್ಳಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಆಯೋಜಿಸಿದ್ದ ಶೈಕ್ಷಣಿಕ ಜಾಗೃತಿ ಕಾರ್ಯಕ್ರಮದಲ್ಲಿ ಶನಿವಾರ ಮಾತನಾಡಿದರು. ಗ್ರಾಮೀಣ ಭಾಗದ ಸರ್ಕಾರಿ ಶಾಲೆಗಳು ಸಂಘ-ಸಂಸ್ಥೆಗಳ ಸಹಕಾರದೊಂದಿಗೆ ಅಭಿವೃದ್ಧಿ ಹೊಂದುವ ಪರಿಸ್ಥಿತಿ ಇದೆ ಎಂದರು.

ಕ್ಷೇತ್ರ ಸಂಪನ್ಮೂಲ ಅಧಿಕಾರಿ ಪರಮೇಶ್ವರಯ್ಯ ಸೊಪ್ಪಿಮಠ ಮಾತನಾಡಿ, ಸರ್ಕಾರಿ ಸೌಲಭ್ಯಗಳನ್ನು ಬಳಸಿಕೊಳ್ಳುವುದರೊಂದಿಗೆ ಗ್ರಾಮಸ್ಥರು ಶಾಲೆ ಅಭಿವೃದ್ಧಿಗೆ ಆದ್ಯತೆ ನೀಡಬೇಕೆಂದರು.

ಸಮಾಜ ಸೇವಕಿ ಅನು ಅಕ್ಕ ಮಾತನಾಡಿ, ನಮ್ಮ ತಂಡದ 158ನೇ ಶಾಲೆಯಾಗಿ ಹರೇಗೊಂಡನಹಳ್ಳಿ ಸರ್ಕಾರಿ ಶಾಲೆಗೆ ಬಣ್ಣ ಬಳಿಯಲಾಗಿದೆ. ಎಸ್‌ಡಿಎಂಸಿ ಅಧ್ಯಕ್ಷರ ನೇತೃತ್ವದಲ್ಲಿ, ಊರಿನ ಯುವಕರು, ಶಿಕ್ಷಣಪ್ರೇಮಿಗಳು ಹಣ ಸಂಗ್ರಹಿಸಿ ಬಣ್ಣ ತಂದು ನೀಡುವ ಮೂಲಕ ಸಮಾಜಕ್ಕೆ ಮಾದರಿಯಾಗಿದ್ದಾರೆ ಎಂದರು.

ಅನು ಅಕ್ಕ ಮತ್ತು ತಂಡದ ಸದಸ್ಯರನ್ನು ಸನ್ಮಾನಿಸಲಾಯಿತು. ಎಸ್‌ಡಿಎಂಸಿ ಅಧ್ಯಕ್ಷ ಸುರೇಶ್ ಅಧ್ಯಕ್ಷತೆ ವಹಿಸಿದ್ದರು. ಸಮೂಹ ಸಂಪನ್ಮೂಲ ಅಧಿಕಾರಿ ನರೇಂದ್ರ ಕುಮಾರ್, ನಿವೃತ್ತ ಮುಖ್ಯಶಿಕ್ಷಕ ಬಿ.ಉಡುಚಪ್ಪ , ನಿವೃತ್ತ ಶಿಕ್ಷಕ ಅಜೇಶ್ವರಯ್ಯ, ಮುಖ್ಯಶಿಕ್ಷಕ ಕಾಶಿ ವಿಶ್ವನಾಥ್, ಪ್ರಮುಖರಾದ ನರೇಗಲ್ ಮಲ್ಲಿಕಾರ್ಜುನ, ಮಹೇಶಪ್ಪ, ಕೆ.ಕರಿಬಸಪ್ಪ, ಎ.ಕೆ.ಬಸಣ್ಣ, ಸಿದ್ದೇಶ, ನಿಂಗನಗೌಡ, ಶಿಕ್ಷಕರಾದ ಕೆ.ಬಸವನಗೌಡ, ಕೆ.ಮಂಜುನಾಥ, ಚಮನ್ ಸಾಬ್ ಮತ್ತಿತರರು ಇದ್ದರು.