ಬಳ್ಳಾರಿ: ಜಿಲ್ಲೆಯ 16 ಕೇಂದ್ರಗಳಲ್ಲಿ ಗುರುವಾರ ದ್ವಿತೀಯ ಪಿಯುಸಿ ವಾರ್ಷಿಕ ಪರೀಕ್ಷೆ ಸುಸೂತ್ರವಾಗಿ ನಡೆಯಿತು. ಮೊದಲ ದಿನದ ಕನ್ನಡ ಭಾಷಾ ಪರೀಕ್ಷೆಗೆ 10,864 ವಿದ್ಯಾರ್ಥಿಗಳು ನೋಂದಣಿ ಮಾಡಿಸಿಕೊಂಡಿದ್ದು, 450 ಮಂದಿ ಗೈರಾಗಿದ್ದರು. ಬಳ್ಳಾರಿ ತಾಲೂಕಿನ 10 ಕೇಂದ್ರಗಳಲ್ಲಿ 6302 ವಿದ್ಯಾರ್ಥಿಗಳು ನೋಂದಣಿಗೊಂಡಿದ್ದರು. 6073 ವಿದ್ಯಾರ್ಥಿಗಳು ಪರೀಕ್ಷೆ ಬರೆದರೆ, 259 ಮಂದಿ ಗೈರಾಗಿದ್ದರು. ಸಂಡೂರು ತಾಲೂಕಿನ 2 ಪರೀಕ್ಷಾ ಕೇಂದ್ರಗಳಲ್ಲಿ 1076 ವಿದ್ಯಾರ್ಥಿಗಳು ನೋಂದಾಯಿಸಿದ್ದು, 1017 ಹಾಜರಾಗಿದ್ದರು. 59 ವಿದ್ಯಾರ್ಥಿಗಳು ಗೈರಾಗಿದ್ದರು. ಸಿರಗುಪ್ಪ ತಾಲೂಕಿನ ಎರಡು ಕೇಂದ್ರದಲ್ಲಿ 2100 ನೋಂದಣಿ, 2012 ಹಾಜರು, 88 ಗೈರಾಗಿದ್ದರು. ಕುರಗೋಡು ಒಂದು ಕೇಂದ್ರದಲ್ಲಿ 540 ನೋಂದಣಿ, 523 ಹಾಜರು, 17 ವಿದ್ಯಾರ್ಥಿಗಳು ಗೈರು. ಕಂಪ್ಲಿ ತಾಲೂಕಿನ ಒಂದು ಕೇಂದ್ರದಲ್ಲಿ 816 ವಿದ್ಯಾರ್ಥಿಗಳು ನೋಂದಣಿ, 789 ಹಾಜರು, 27 ಮಂದಿ ಗೈರಾಗಿದ್ದರು. ಯಾವುದೇ ಕೇಂದ್ರದಲ್ಲಿ ಅಹಿತಕರ ಘಟನೆಗಳು ನಡೆದಿಲ್ಲ. ಡಿಬಾರ್ ಯಾವುದು ಆಗಿಲ್ಲ ಎಂದು ಪದವಿ ಪೂರ್ವ ಶಿಕ್ಷಣ ಇಲಾಖೆ ಉಪ ನಿರ್ದೇಶಕ ಸುಗೇಂದ್ರ ಎಚ್. ತಿಳಿಸಿದ್ದಾರೆ.
