ಸರ್ಕಾರಿ ಶಾಲೆಗಳು ಬುಧವಾರದಿಂದ ಆರಂಭಗೊಂಡಿದ್ದರೂ, ಮೇ 31ರಿಂದ ಮಕ್ಕಳು ಶಾಲೆಗೆ ಬರಲಿದ್ದಾರೆ. ಖಾಸಗಿ ಶಾಲೆಗಳ ಪೈಕಿ ಬಹುತೇಕ ಶಾಲೆಗಳಿಗೆ ಬುಧವಾರದಿಂದಲೇ ಮಕ್ಕಳು ಹಾಜರಾಗಿದ್ದಾರೆ. ಖಾಸಗಿಶಾಲೆಗಳು ಆರಂಭಗೊಂಡ ಮೊದಲ ದಿನವೇ ಬಹುತೇಕ ವಿದ್ಯಾರ್ಥಿಗಳು ಹಾಜರಾಗಿದ್ದಾರೆ. ಶುಕ್ರವಾರ ವಿದ್ಯಾರ್ಥಿಗಳನ್ನು ಆದರದಿಂದ ಸ್ವಾಗತಿಸಲು ಪೂರ್ವ ತಯಾರಿ ಈಗಾಘಲೇ ಪೂರ್ಣಗೊಂಡಿದೆ. ಈಬಗ್ಗೆ ಶಾಲಾ ಶಿಕ್ಷಕರೊಂದಿಗೆ ಇಲಾಖೆಯ ಅಧಿಕಾರಿಗಳು ಸಮಾಲೋಚನೆ ನಡೆಸಿದ್ದು, ಮಕ್ಕಳ ಸುರಕ್ಷೆಗೆ ಮೊದಲ ಆದ್ಯತೆ ನೀಡಲಾಗಿದೆ. ಶಾಲೆಯ ಆವರಣ, ತರಗತಿಗಳನ್ನುಶುಚಿಗೊಳಿಸುವುದು, ಪಠ್ಯ ಪುಸ್ತಕಗಳು, ಸಮವಸಜೋಡನೆ, ತರಗತಿಗಳಲ್ಲಿ ಬೆಂಚುಗಳ ವ್ಯವಸ್ಥೆ,ಬಿಸಿಯೂಟಕ್ಕೆ ತಯಾರಿ, ಕುಡಿಯುವ ನೀರು, ಕಿಟಕಿಬಾಗಿಲು, ಗಾಳಿ ಬೆಳಕಿನ ವ್ಯವಸ್ಥೆಯೊಂದಿಗೆ ಅಗತ್ಯ ಮೂಲಸೌಕರ್ಯ ಪರಿಶೀಲಿಸಿ ಪುಟಾಣಿಗಳಿಗೆ ಆದ್ದೂರಿ ಸ್ವಾಗತಕ್ಕೆ ಶಿಕ್ಷಕರು ಅಣಿಯಾಗಿದ್ದಾರೆ.
