VIDEO | ಮೈ ನಡುಕ ಹುಟ್ಟಿಸುವಂಥ ಅಪಘಾತದ ದೃಶ್ಯ ಸೆರೆಯಾಯಿತು ಸಿಸಿಟಿವಿ ಕ್ಯಾಮೆರಾದಲ್ಲಿ..

ಮಂಗಳೂರು: ಮೈಯಲ್ಲಿ ನಡುಕು ಹುಟ್ಟಿಸುವಂತಹ ಅಪಘಾತ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಬಾಲಕ ಸಾವು -ಬದುಕಿನ ನಡುವೆ ಹೋರಾಟ ನಡೆಸ್ತಿದ್ದಾನೆ. ರಸ್ತೆ ದಾಟಲು ಅವಸರಪಟ್ಟು ಪಾಲಕರ ಕೈ ತಪ್ಪಿಸಿಕೊಂಡು ಓಡಿ ಹೋದ ಕಾರಣ ಅಪಘಾತ ಸಂಭವಿಸಿದೆ.

ಉಳ್ಳಾಲದಲ್ಲಿ ಈ ದುರಂತ ನಿನ್ನೆ ಮುಸ್ಸಂಜೆ 6.30 ಸುಮಾರಿಗೆ ಸಂಭವಿಸಿತ್ತು. ಗಂಭೀರ ಗಾಯಗೊಂಡ ಬಾಲಕನನ್ನು ಕೃಷ್ಣ (8) ಎಂದು ಗುರುತಿಸಲಾಗಿದೆ. ಕೂಡಲೇ ಆತನನ್ನು ದೇರಳೆಕಟ್ಟೆ ಯೇನಪೊಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಉಳ್ಳಾಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ: ಮನೆ ಎದುರು ರಸ್ತೆ ಬದಿಗೆ ಪಾರ್ಕಿಂಗ್ ಮಾಡೋ ಹಾಗಿಲ್ವಾ.. : ಬಿಡಿಎ ಸಭೆಯಲ್ಲಿ ಏನಾಯ್ತು ತೀರ್ಮಾನ?

ಪಾಲಕರಿಗೆ ಎಚ್ಚರಿಕೆ ಘಂಟೆಯಂತಿರುವ ಈ ಅಪಘಾತ, ರಸ್ತೆ ದಾಟುವ ಸಂದರ್ಭದಲ್ಲಿ ಮಕ್ಕಳ ಬಗ್ಗೆ ವಿಶೇಷ ಗಮನಹರಿಸಬೇಕೆಂಬ ಸಂದೇಶ ನೀಡುವಂತಿದೆ. ಸಿಸಿಟಿವಿ ದೃಶ್ಯ ವೀಕ್ಷಣೆಗೆ ಇಲ್ಲಿ ಕ್ಲಿಕ್ಕಿಸಿ. (ದಿಗ್ವಿಜಯ ನ್ಯೂಸ್)

https://www.vijayavani.net/road-side-parking-issue-bda-meeting/