ರೆಡ್ಡಿ ಚಿನ್ನಯೆಲ್ಲಪ್ಪ ಸಾವು, ಕಣ್ಣೀರಿಟ್ಟ ಪರಮೇಶ್ವರ

ತುಮಕೂರು: ನಗರಸಭೆ ಮಾಜಿ ಅಧ್ಯಕ್ಷ, ಟೂಡಾ ಮಾಜಿ ಅಧ್ಯಕ್ಷ ರೆಡ್ಡಿಚಿನ್ನಯಲ್ಲಪ್ಪ ನಿಧನಕ್ಕೆ ಜಿಲ್ಲಾ ಉಸ್ತುವಾರಿ ಸಚಿವರು ಆದ ಗೃಹ ಸಚಿವ ಡಾ.ಜಿ.ಪರಮೇಶ್ವರ ಕಂಬನಿ ಮಿಡಿದಿದ್ದಾರೆ. ನಗರ ಗಾರ್ಡನ್​ ರಸ್ತೆಯ ಹಿಂದು ರುದ್ರಭೂಮಿಯಲ್ಲಿ ಮಂಗಳವಾರ ಸಂಜೆ ರೆಡ್ಡಿ ಚಿನ್ನಯೆಲ್ಲಪ್ಪ ಅಂತ್ಯ ಸಂಸ್ಕಾರ ನೆರವೇರಿತು.

ನಗರದ ಹನುಮಂತಪುರ ಬೈಪಾಸ್​ ಬಳಿಯ ಮೃತರ ನಿವಾಸದಲ್ಲಿ ಮಂಗಳವಾರ ರೆಡ್ಡಿ ಚಿನ್ನಯಲ್ಲಪ್ಪ ಪಾರ್ಥೀವ ಶರೀರದ ಅಂತಿಮ ದರ್ಶನ ಪಡೆದ ಸಚಿವ ಪರಮೇಶ್ವರ್​ ಕುಟುಂಬಸ್ಥರನ್ನು ಸಂತೈಸುವ ವೇಳೆ ಉಮ್ಮಳಿಸಿ ಬಂದ ದು@ಖ ತಡೆಯಲಾರದೆ ಆತ್ಮೀಯ ಸ್ನೇಹಿತನನ್ನು ನೆನೆದು ಕಣ್ಣೀರಾದರು.

ಕೆಎನ್ನಾರ್​ ಭೇಟಿ: ಯುವ ಕಾಂಗ್ರೆಸ್​ ಅಧ್ಯಕ್ಷರಾಗಿದ್ದ ರೆಡ್ಡಿ ಚಿನ್ನಯೆಲ್ಲಪ್ಪ ಒಡನಾಡಿ ಸಹಕಾರ ಸಚಿವ ಕೆ.ಎನ್​.ರಾಜಣ್ಣ ಸಹ ಅಂತಿಮ ದರ್ಶನ ಪಡೆದರು.

ಗಣ್ಯರ ಭೇಟಿ: ಶಾಸಕ ಜಿ.ಬಿ.ಜ್ಯೋತಿಗಣೇಶ್​, ಮಾಜಿ ಸಂಸದರಾದ ಜಿ.ಎಸ್​.ಬಸವರಾಜು, ಎಸ್​.ಪಿ.ಮುದ್ದಹನುಮೇಗೌಡ, ಮಾಜಿ ಸಚಿವರಾದ ಜೆ.ಸಿ.ಮಾಧುಸ್ವಾಮಿ, ಸೊಗಡುಶಿವಣ್ಣ, ಮಾಜಿ ಶಾಸಕ ಎಸ್​.ಷಫೀ ಅಹ್ಮದ್​, ಕೆಪಿಸಿಸಿ ಉಪಾಧ್ಯಕ್ಷ ಮುರಳೀಧರ ಹಾಲಪ್ಪ, ಕಾಂಗ್ರೆಸ್​ ಮುಖಂಡರಾದ ಇಕ್ಬಾಲ್​ ಅಹ್ಮದ್​, ದಿನೇಶ್​, ಟಿ.ಎಚ್​.ವಾಸುದೇವ್​, ಕರಾಟೆ ಕೃಷ್ಣಮೂರ್ತಿ ಸೇರಿದಂತೆ ಹಲವಾರು ಮುಖಂಡರು ಸ್ನೇಹಿತರು ಅಂತಿಮ ದರ್ಶನ ಪಡೆದರು.

ಅಂತಿಮ ಮೆರವಣಿಗೆ: ರೆಡ್ಡಿ ಚಿನ್ನಯೆಲ್ಲಪ್ಪ ಪಾರ್ಥೀವ ಶರೀರದ ಅಂತಿಮ ಮೆರವಣಿಗೆ ಹನುಮಂತಪುರದಿಂದ ಬೆಳಗುಂಬ ರಸ್ತೆ, ಎನ್​.ಆರ್​.ಕಾಲನಿ, ಕೋತಿತೋಪು, ಶ್ರೀರಾಮನಗರ ಮೂಲಕ ಸಾಗಿ ಗಾರ್ಡನ್​ ರಸ್ತೆಯ ಹಿಂದು ರುದ್ರಭೂಮಿವರೆಗೆ ನಡೆಯಿತು. ಸಂಜೆ 6ಕ್ಕೆ ಅಂತಿಮ ವಿಧಿವಿಧಾನಗಳೊಂದಿಗೆ ವಿದ್ಯುತ್​ ಚಿತಾಗಾರದಲ್ಲಿ ಅಂತ್ಯ ಸಂಸ್ಕಾರ ನೆರವೇರಿತು. ಸಹಸ್ರಾರು ಅಭಿಮಾನಿಗಳು ಈ ಸಂದರ್ಭದಲ್ಲಿದ್ದರು.

ಶ್ರದ್ಧಾಂಜಲಿ ಸಲ್ಲಿಕೆ: ಶ್ರೀರಾಮನಗರದ ಸ್ನೇಹಿತರ ಬಳಗದ ವತಿಯಿಂದ ಹೊರಪೇಟೆಯ ಚಿಕ್ಕ ಮಾರ್ಕೆಟ್​ ಸರ್ಕಲ್​ನಲ್ಲಿ ರೆಡ್ಡಿ ಚಿನ್ನಯೆಲ್ಲಪ್ಪ ೋಟೋ ಇಟ್ಟು ಪುಷ್ಪನಮನ ಸಲ್ಲಿಸಿ ಶ್ರದ್ಧಾಂಜಲಿ ಸಲ್ಲಿಸಲಾಯಿತು.