ರಸ್ತೆಯಲ್ಲಿ ಒಕ್ಕಣೆ ಮಾಡುವುದರಿಂದ ವಾಹನ ಸವಾರರು ಸರ್ಕಸ್ ಮಾಡಿಕೊಂಡು ಹೋಗಬೇಕಿದ್ದು, ಹುಣಸೇಕಟ್ಟೆ, ಕುರುಬರಹಳ್ಳಿ, ಗಾಣದಹುಣಸೆ, ರಾಮಲಿಂಗಪುರ, ಮಾದೇನಹಳ್ಳಿ, ಸೋಲಾಪುರ ಹೊಸಪಾಳ್ಯ ಸೇರಿ ವಿವಿಧಡೆ ರಸ್ತೆಯನ್ನೇ ಕಣವನ್ನಾಗಿ ಪರಿವರ್ತಿಸಿಕೊಂಡಿರುವುದು ಕಂಡುಬಂದಿದೆ. ಕಳೆದ ವಾರ ಓಮ್ನಿ ಕಾರಿನ ಸೈಲೆನ್ಸರ್ಗೆ ಹುಲ್ಲುಸುತ್ತಿಕೊಂಡಿದ್ದರಿಂದ ಬೆಂಕಿ ಹತ್ತಿಕೊಂಡು ಕಾರು ಸುಟ್ಟು ಕರಕಲಾಗಿತ್ತು. ಕಳೆದ ವರ್ಷ ತಿಪಟೂರು ಬಸ್ ಕೂಡಾ ಸಂಪೂರ್ಣ ಬೆಂಕಿಗಾಹುತಿಯಾಗಿತ್ತು. ಹೆಚ್ಚಾಗಿ ಶಾಲಾ ವಾಹನ, ಮಕ್ಕಳು ಶಾಲೆಗೆ ಸೈಕಲ್ಗಳಲ್ಲಿ ಬರುವುದರಿಂದ ಅಪಾಯಕಟ್ಟಿಟ್ಟ ಬುತ್ತಿಯಾಗಿದೆ. ಇನ್ನು ಬೈಕ್ ಸವಾರರೂ ಬಿದ್ದು ಗಾಯ ಮಾಡಿಕೊಂಡಿದ್ದಾರೆ.
