ವೀರಭದ್ರೇಶ್ವರ ಸ್ವಾಮಿ ರಥೋತ್ಸವ ಸಂಪನ್ನ

ಸೊರಬ: ತಾಲೂಕಿನ ಜಡೆ ಹೋಬಳಿಯ ಪುಟ್ಟನಹಳ್ಳಿಯ ಶ್ರೀ ವೀರಭದ್ರಸ್ವಾಮಿಯ ಮಹಾರಥೋತ್ಸವ ವಿಜೃಂಭಣೆಯಿಂದ ನೇರವೇರಿತು. ಗುರುವಾರ ಸಣ್ಣ ತೇರು ನಡೆಯಿತು. ಶುಕ್ರವಾರ ಬೆಳಗ್ಗೆ ಶ್ರೀ ವೀರಭದ್ರ ಸ್ವಾಮಿಗೆ ವಿಶೇಷ ಪೂಜೆ ಮತ್ತು ಹೂವಿನ ಅಲಂಕಾರ ನೆರವೇರಿಸಲಾಯಿತು.

ಮಹಾರಥೋತ್ಸವ ಜರಗಿದ ಬಳಿಕ ವೀರಭದ್ರ ಸ್ವಾಮಿಯ ಗುಗ್ಗಳ, ಅನ್ನಸಂತರ್ಪಣೆ ನಡೆಯಿತು. ಸುತ್ತಮುತ್ತಲಿನ ಗ್ರಾಮಸ್ಥರು ವಿಶೇಷ ಪೂಜೆ ಸಲ್ಲಿಸಿದರು. ಜಡೆ ಸಂಸ್ಥಾನ ಮಠದ ಡಾ. ಶ್ರೀ ಮಹಾಂತ ಸ್ವಾಮೀಜಿ ರಥೋತ್ಸವಕ್ಕೆ ಚಾಲನೆ ನೀಡಿದರು.
ಶಾಂತಪುರ ಮಠದ ಶ್ರೀ ಶಿವಾನಂದ ಶಿವಾರ್ಚಾ ಸ್ವಾಮೀಜಿ, ಹುಬ್ಬಳ್ಳಿಯ ಶ್ರೀ ಷಡಕ್ಷರಿ ದೇಶಿಕ ಸ್ವಾಮೀಜಿ, ನೀಲಂಠ ಗೌಡ ಬಸೂರು, ಬಸವರಾಜಗೌಡ ನಿಟ್ಟಕಿ, ವೀರಭದ್ರಗೌಡ, ಬೋಜರಾಜ ಇತರರಿದ್ದರು.