ವೇದಮೂರ್ತಿ ಆನಂದ ಭಟ್ ಸಿರಸಿ, ವೇದಮೂರ್ತಿ ನಾಗರಾಜ ಎಸ್. ಭಟ್ ಹಾಗೂ ಸಹಾಯಕ ಪುರೋಹಿತ ವೆಂಕಟೇಶ ಎಸ್. ಭಟ್ ಮಂಜುಗುಣಿ ನೇತೃತ್ವದಲ್ಲಿ ದೈವಜ್ಞ ಸಮಾಜದ ಅಧ್ಯಕ್ಷ ಶಾಂತಾರಾಮ ವಿ. ಶೇಟ್ ದಂಪತಿ ಪೂಜಾ ಕಾರ್ಯಕ್ರಮ ನೆರವೇರಿಸಿದರು. ನಂತರ ಈ ವರ್ಷದ 12 ತಿಂಗಳು ಪೂಜಾ ಸೇವೆ ಸಲ್ಲಿಸಿದವರಿಗೆ ಪ್ರಸಾದ ನೀಡಿ ಗೌರವಿಸಲಾಯಿತು. ಮಹಾ ಅನ್ನ ಸಂತರ್ಪಣೆ ಹಾಗೂ ಪಂಚ ವಾದ್ಯದೊಂದಿಗೆ ಪಲ್ಲಕ್ಕಿ ಉತ್ಸವ ನಡೆಯಿತು. ಪುರೋಹಿತ ವರ್ಗದವರನ್ನು ಸಮಾಜದಿಂದ ಗೌರವಿಸಲಾಯಿತು. ದೈವಜ್ಞ ಬ್ರಾಹ್ಮಣ ಸಮಾಜ ಅಭಿವೃದ್ಧಿ ಮಂಡಳಿ, ದೈವಜ್ಞ ಯುವಕ ಸಂಘ, ರಾಜರಾಜೇಶ್ವರಿ ಮಹಿಳಾ ಮಂಡಳಿ, ಸರಾಫ ಸಂಘ, ವಿದ್ಯಾ ಪ್ರೋತ್ಸಾಹಕ ನಿಧಿ ಸಮಿತಿ, ದೈವಜ್ಞ ಸ್ಪೋರ್ಟ್ಸ್ ಕ್ಲಬ್ನ ಎಲ್ಲ ಪದಾಧಿಕಾರಿಗಳು ಹಾಗೂ ಸದಸ್ಯರು ಸಮಾಜದ ಹಿರಿಯರು ಪಾಲ್ಗೊಂಡಿದ್ದರು.
