ವರದಾ ನದಿಗೆ ಹಾರಿ ವೃದ್ಧ ಆತ್ಮಹತ್ಯೆ

ಹಾವೇರಿ: ಮಗ ಕಾಣೆಯಾಗಿದ್ದರಿಂದ ಮತ್ತು ಪತ್ನಿ ಮೃತಪಟ್ಟಿದ್ದರಿಂದ ಬೇಸತ್ತು ವೃದ್ಧರೊಬ್ಬರು ವರದಾ ನದಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ತಾಲೂಕಿನ ದೇವಗಿರಿ-ಮನ್ನಂಗಿ ರಸ್ತೆ ಬಳಿ ನಡೆದಿದೆ.

ಧಾರವಾಡ ಜಿಲ್ಲೆ ಹುಬ್ಬಳ್ಳಿ ತಾಲೂಕಿನ ಹಳ್ಯಾಳ ಗ್ರಾಮದ ಮಾನಪ್ಪ ವೀರಪ್ಪ ಪತ್ತಾರ (82) ಮೃತ ವೃದ್ಧ.

ಇವರು ತನ್ನ ಕಿರಿಯ ಮಗ ಕಾಣೆಯಾಗಿದ್ದರಿಂದ ಮತ್ತು ಪತ್ನಿ ಕೂಡ ಮೃತಪಟ್ಟಿದ್ದರಿಂದ ಮನಸ್ಸಿಗೆ ಬೇಸರ ಮಾಡಿಕೊಂಡು ಹುಬ್ಬಳ್ಳಿಯಿಂದ ಬಸ್​ ಹತ್ತಿ ಬಂದು ದೇವಗಿರಿ-ಮನ್ನಂಗಿ ರಸ್ತೆಯ ಬಳಿ ವರದಾ ನದಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ. ಈ ಕುರಿತು ಗ್ರಾಮೀಣ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.