ವಚನ ದರ್ಶನ ಎಂಬ ವಿವಾದಾತ್ಮಕ ಪುಸ್ತಕ

ವಿಜಯಪುರ: ಬಸವಾದಿ ಶರಣರ ತತ್ವಕ್ಕೆ ವಿರುದ್ಧವಾದ ಹಾಗೂ ಬಸವ ತತ್ವವನ್ನು ಮರೆಮಾಚಲು ಆರ್​ಎಸ್​ಎಸ್​ನವರು ವಚನ ದರ್ಶನ ಎಂಬ ವಿವಾದಾತ್ಮಕ ಪುಸ್ತಕ ರಾಜ್ಯದೆಲ್ಲೆಡೆ, ದೆಹಲಿಯಲ್ಲೂ ಬಿಡುಗಡೆ ಮಾಡಿದಾಗಲೂ ಕೂಡ ಬಸವಣ್ಣನವರ ಹೆಸರು ಹೇಳಿ ಅನ್ನ ತಿನ್ನುವ ಯಾವೊಬ್ಬ ಸ್ವಾಮಿಗಳು ಬೀದಿಗಿಳಿದು ಪ್ರತಿಭಟಿಸಲಿಲ್ಲ.

ಆದರೆ, ವಕ್ಫ್​ ವಿಷಯದ ಕುರಿತು ಎಲ್ಲ ಸಮಸ್ಯೆಗಳನ್ನು ಮುಖ್ಯಮಂತ್ರಿ, ಸಚಿವ ಎಂ.ಬಿ. ಪಾಟೀಲರು ಕೇವಲ 48 ಗಂಟೆಗಳಲ್ಲಿ ಬಗೆಹರಿಸಿದ್ದರೂ ಸಹ ಕೋಮುವಾದಿ ಬಿಜೆಪಿ, ಆರ್​ಎಸ್​ಎಸ್​ ಆವರ ರಾಜಕೀಯ ದುರುದ್ದೇಶಕ್ಕಾಗಿ ನಮ್ಮ ಬಸವನಾಡಿನ ಸ್ವಾಮಿಗಳು ತಮ್ಮ ಮಠಗಳನ್ನು ಬಿಟ್ಟು ಬೀದಿಗಿಳಿದಿರುವುದು ಖಾವಿ ಸಂಸತಿಗೆ ಹಾಗೂ ಬಸವಾದಿ ಶರಣರಿಗೆ, ಅಪಚಾರ ಮಾಡಿದಂತೆ ಎಂದು ರಾಷ್ಟ್ರೀಯ ಬಸವ ಸೇನಾ ಜಿಲ್ಲಾಧ್ಯ ಡಾ. ರವಿಕುಮಾರ ಬಿರಾದಾರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಭಾರತೀಯ ಕಿಸಾನ್​ ಸಂ ಎಂಬುದು ಬಿಜೆಪಿ ಸಂ ಪರಿವಾರದ ಅಂಗ ಸಂಸ್ಥೆಯಾಗಿದ್ದು, ರಾಜ್ಯದ ರೈತ ಸಂ ಹೋರಾಟ ಹಿಂತೆಗೆದುಕೊಂಡರೂ ಕೂಡ ರಾಜ್ಯದಲ್ಲಿ ಕೋಮು ಸೌಹಾರ್ದತೆಯನ್ನು ಕೆಡಿಸುವ ಉದ್ದೇಶ ಹೊಂದಿರುವ ಈ ಸಂ ಪರಿವಾರದ ತಾಳಕ್ಕೆ ತಕ್ಕಂತೆ ಸ್ವಾಮೀಜುಗಳು ಕುಣಿಯುತ್ತಿದ್ದಾರೆ. ಅಲ್ಲದೆ, ಬಸವಣ್ಣನವರಿಗೆ ಆರ್​ಎಸ್​ಎಸ್​ನವರು ಅಪಚಾರ ಮಾಡಿದಾಗ ಬೀದಿಗಿಳಿಯಬೇಕೆಂಬುದು ನೆನಪಾಗಲಿಲ್ಲ. ಸದ್ಯ ರಾಜಕೀಯ ಕಾರಣಕ್ಕೆ ಬೀದಿಗಿಳಿದಿದ್ದಾರೆ ಅವರಿಗೆ ಬಸವಣ್ಣನವರ ಹೆಸರು ಮಾತ್ರ ಬೇಕು. ಆದರೆ ಅವರ ತತ್ವಗಳು ಬೇಕಿಲ್ಲ. ಈ ರೀತಿ ಜನರಲ್ಲಿ ಒಡಕು ಮೂಡಿಸುವ ಹೋರಾಟಗಳಲ್ಲಿ ಭಾಗವಹಿಸುವುದು ಶರಣ ಪರಂಪರೆಗೆ ಮಾಡಿದ ಅವಮಾನವಾಗಿದೆ ಎಂದು ಆರೋಪಿಸಿದ ಅವರು, ಈ ರೀತಿಯ ಸ್ವಾಮೀಜಿಗಳ ನಡವಳಿಕೆ ಬಸವಾನುಯಾಯಿಗಳಲ್ಲಿ ಭ್ರಮ ನಿರಸನ ಉಂಟುಮಾಡಿದೆ ಎಂದು ಪ್ರಕಟಣೆ ಮೂಲಕ ಅವರು ಆಕ್ರೋಶ ಹೊರಹಾಕಿದ್ದಾರೆ.