ವಕೀಲರ ಹೋರಾಟಕ್ಕೆ ವಿವಿಧ ಸಂಘಟನೆಗಳ ಅಭೂತಪೂರ್ವ ಬೆಂಬಲ

ಪ್ರಮುಖ ಮುಖ್ಯಾಂಶಗಳು

• ಪ್ರಸ್ತಾವಿತ ಮಂಗಳೂರು ಹೈಕೋರ್ಟ್‌ ಪೀಠಕ್ಕ ಉತ್ತರ ಕನ್ನಡ ಸೇರಿಸಲು ವಿರೋಧ
• ಕಾರವಾರದಲ್ಲಿ ಬೃಹತ್‌ ಪ್ರತಿಭಟನೆ ವಿವಿಧ ಪಕ್ಷಗಳ ಮುಖಂಡರು ಭಾಗಿ

ಉತ್ತರ ಕನ್ನಡ ಜಿಲ್ಲೆಯನ್ನು ಪ್ರಸ್ತಾವಿತ ಮಂಗಳೂರು ಹೈಕೋರ್ಟ್ ಪೀಠಕ್ಕೆ ಸೇರಿಸುವುದನ್ನು ವಿರೋಧಿಸಿ ಜಿಲ್ಲಾ ವಕೀಲರ ಸಂಘ ಗುರುವಾರ ಆಯೋಜಿಸಿದ್ದ ಪ್ರತಿಭಟನೆಗೆ ಅಭೂತಪೂರ್ವ ಬೆಂಬಲ ವ್ಯಕ್ತವಾಯಿತು.

ಮನವಿಯಲ್ಲೇನಿದೆ:

ಉತ್ತರ ಕನ್ನಡ ಜಿಲ್ಲೆಗೆ ಹಲವು ವಿಷಯಗಳಲ್ಲಿ ಮತ್ತೆ, ಮತ್ತೆ ಅನ್ಯಾಯವಾಗುತ್ತಿದೆ. ಬಾರ್ ಅಸೋಸಿಯೇಶನ್ ಪ್ರಮುಖರು ದಿನಾಂಕ ನಿಗದಿ ಮಾಡಿದರೆ ಮುಖ್ಯಮಂತ್ರಿ ಅವರನ್ನು ಭೇಟಿ ಮಾಡಿ ಈ ಸಂಬಂಧ ಚರ್ಚೆ ಮಾಡೋಣ. ಯಾವುದೇ ಕಾರಣಕ್ಕೂ ಜನರಿಗೆ ತೊಂದರೆಯಾಗುವಂತೆ ಮಂಗಳೂರಿನ ಹೈಕೋರ್ಟ್ ಪೀಠಕ್ಕೆ ಉತ್ತರ ಕನ್ನಡ ಸೇರಲು ಬಿಡುವುದಿಲ್ಲ.

ಸತೀಶ ಸೈಲ್ ಶಾಸಕ

ದಕ್ಷಿಣ ಕನ್ನಡ ಬೆಳೆದಿದೆ. ಉತ್ತರ ಕನ್ನಡ ಬಡತನದಲ್ಲಿದೆ. ಉತ್ತರ ಕನ್ನಡ ಧಾರವಾಡದ ಬದಲು ಮಂಗಳೂರು ಪೀಠಕ್ಕೆ ಸೇರಿದರೆ ವಕೀಲರಿಗೆ ಮಾತ್ರವಲ್ಲ ಜಿಲ್ಲೆಯ ಜನಸಾಮಾನ್ಯರಿಗೂ ತೊಂದರೆಯಾಗುತ್ತದೆ. ಹೈಕೋರ್ಟ್ನಲ್ಲಿ ಒಂದೊಂದು ಪ್ರಕರಣ ವಿಚಾರಣೆಗೆ ಬರಲು ವರ್ಷಗಟ್ಟಲೇ ಕಾಯಬೇಕು. ಇನ್ನಷ್ಟು ಸಮಸ್ಯೆ ಉದ್ಭವವಾಗುತ್ತದೆ. ಇದರಿಂದ ಹೋರಾಟಕ್ಕೆ ನನ್ನ ಬೆಂಬಲವಿದೆ.

ಮಾಜಿ ಸಚಿವ

ಗಡಿ ಭಾಗದಲ್ಲಿರುವ ಉತ್ತರ ಕನ್ನಡಕ್ಕೆ ಯಾವಾಗಲೂ ಅಭಿವೃದ್ಧಿಯಲ್ಲಿ ಅನ್ಯಾಯವಾಗುತ್ತಲೇ ಇದೆ. ಈ ವಿಷಯದಲ್ಲೂ ಮತ್ತೆ ತೊಂದರೆ ಬೇಡ. ಹೈಕೋರ್ಟ್ ಪೀಠದ ವಿಷಯದಲ್ಲಿ ರಾಜಕೀಯ ಬಿಟ್ಟು ಎಲ್ಲರೂ ಒಂದಾಗಿ ಹೋರಾಟ ಮಾಡೋಣ. ಸುಪ್ರೀಂ ಕೋರ್ಟ್ನಲ್ಲಿ ಈ ಸಂಬಂಧ ಒಂದು ಪಿಐಎಲ್ ದಾಖಲು ಮಾಡಬೇಕು.

ರೂಪಾಲಿ ನಾಯ್ಕ ಮಾಜಿ ಶಾಸಕಿ