ಸಹಕಾರ ಕ್ಷೇತ್ರದ ದ್ವೇಷದಿಂದ ನನ್ನ ಮೇಲೆ ಹಲ್ಲೆ

ಅಂಕೋಲಾದಲ್ಲಿ ಮಾ.25 ರಂದು ಮಾರಣಾಂತಿಕ ಹಲ್ಲೆಗೊಳಗಾಗಿ, ಮಣಿಪಾಲ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದ ನಂತರ ಅವರು ಶನಿವಾರ ಕಾರವಾರದ ತಮ್ಮ ಬಾಡಿಗೆ ಮನೆಗೆ ಆಗಮಿಸಿದ್ದರು. ಆ ಸಂದರ್ಭದಲ್ಲಿ ಮಾಧ್ಯಮ ಪ್ರತಿನಿಧಿಗಳ ಜೊತೆ ಮಾತನಾಡಿದ ಅವರು, ಸಾಮಾನ್ಯವಾಗಿ ಹೆಣ್ಣು, ಹೊನ್ನು, ಮಣ್ಣಿಗಾಗಿ ಕೊಲೆ ಯತ್ನಗಳು ನಡೆಯುತ್ತವೆ. ಆದರೆ, ನಾನು ಯಾರ ಜಮೀನು ಆಸ್ತಿಯನ್ನೂ ಕಬಳಿಸಿಲ್ಲ. ಹೆಣ್ಣಿನ ಸಹವಾಸವಿಲ್ಲ. ಇದರಿಂದ ರಾಜಕೀಯ, ಸಹಕಾರಿ ದ್ವೇಷಕ್ಕಾಗಿಯೇ ಕೊಲೆಗೆ ಯತ್ನ ನಡೆದಿರಬಹುದು ಎಂದರು.

ಶಾಸಕ ಸತೀಶ ಸೈಲ್ ಹಾಗೂ ನನ್ನ ನಡುವೆ ಭಿನ್ನಾಭಿಪ್ರಾಯ ಇದೆ ಎಂಬುದು ಎಲ್ಲರಿಗೂ ತಿಳಿದ ವಿಚಾರ ಆದರೆ, ಅವರು ಕೊಲೆ ಮಾಡಿಸುವ ಹಂತಕ್ಕೆ ಇಳಿಯುತ್ತಾರೆ ಎಂದು ನಾನು ಹೇಳಲಾರೆ. ಆದರೆ, ನನ್ನ ಮೇಲೆ ನಡೆದ ಹಲ್ಲೆಗೆ ಸಹಕಾರಿ ಕ್ಷೇತ್ರದ ದ್ವೇಷ ಇದೆ ಎಂಬ ಅನುಮಾನವಿದೆ. ಆ ಪ್ರಯತ್ನದ ಹಿಂದೆ ಇದ್ದವರಿಗೂ ಶಾಸಕರಿಗೂ ಸಂಪರ್ಕ ಇದೆ ಎಂಬುದು ಎಲ್ಲರಿಗೂ ಗೊತ್ತಿರುವ ಸಂಗತಿ. ಪೊಲೀಸ್ ತನಿಖೆ ನಡೆಯುತ್ತಿದ್ದು, ಗೃಹ ಇಲಾಖೆ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕರಿಗಳ ಮೇಲೆ ನನಗೆ ಸಂಪೂರ್ಣ ನಂಬಿಕೆ ಇದೆ ಎಂದರು. 

ಅಂಕೋಲಾ ಟಿಎಂಎಸ್‌ನಲ್ಲಿ 1983 ರಿಂದ ಇದ್ದ ಕಮಿಟಿಯನ್ನು ನಾವು ಬದಲು ಮಾಡಿ, ನಾವು ಟಿಎಂಎಸ್ ಚುನಾವಣೆಯನ್ನು ಗೆದ್ದೆವು.ಸ್ಪರ್ಧೆ ಮಾಡಿದ ಎಲ್ಲ 7 ಸ್ಥಾನಗಳನ್ನು ನಮ್ಮದಾಗಿಸಿಕೊಂಡೆವು. ಚುನಾವಣೆ ಸಂದರ್ಭದಲ್ಲಿ ಅಂಕೋಲಾದ ಆರ್.ಎನ್.ನಾಯಕ ಅವರ ಪುತ್ರ ಅಲ್ಲಿಗೆ ಬಂದು, ಅವರದೇ ಆದ ಬಲ ಪ್ರದರ್ಶನ ಮಾಡಲು ಯತ್ನಿಸಿದ್ದ. ನಾನು ಅದಕ್ಕೆ ಅವಕಾಶ ಕೊಡಲಿಲ್ಲ. ಬಿಜೆಪಿಯಲ್ಲಿರುವ ಅವರ ಪರ ಕಾರವಾರದ ಕಾಂಗ್ರೆಸ್ ಕ್ಷೇತ್ರದ ಶಾಸಕರೂ ಇದ್ದರು ಎಂಬುದು ಎಲ್ಲರಿಗೂ ತಿಳಿದ ವಿಚಾರ ಎಂದರು. 

ಶಾಸಕ ಸತೀಶ ಸೈಲ್ ನನಗೆ ಕರೆ ಮಾಡಿಲ್ಲ. ಮಾಜಿ ಸಚಿವ ಆನಂದ ಅಸ್ನೋಟಿಕರ್ ಹಾಗೂ ಮಾಜಿ ಶಾಸಕಿ, ಸಹೋದರಿ, ರೂಪಾಲಿ ನಾಯ್ಕ ನನಗೆ ಕರೆ ಮಾಡಿ ಆರೋಗ್ಯ ವಿಚಾರಿಸಿದರು. ಸೈಲ್ ಪೊಲೀಸರಿಗೆ ಕರೆ ಮಾಡಿ ಹೇಳಿರಬಹುದು ಎಂದರು. 

ನನಗೆ ತಲೆಗೆ ಐದು ಕಡೆ ಚುಚ್ಚಿದ್ದಾರೆ. ಕೈಗೆ, ಭುಜಕ್ಕೆ ಬೆನ್ನು ಸರ್ವೈಕಲ್‌ಗೆ ಚುಚ್ಚಿದ್ದಾರೆ. ಸರ್ವೈಕಲ್‌ಗೆ ಹಾನಿಯಾಗಿದೆ. ಶಸ್ತç ಚಿಕಿತ್ಸೆ ಮಾಡಬೇಕು ಎಂದು ಹೇಳಿದ್ದಾರೆ. ಆದರೆ, ಮಣಿಪಾಲ ಆಸ್ಪತ್ರೆಗೆ ಕಾರವಾರ, ಅಂಕೋಲಾ ಕ್ಷೇತ್ರದಿಂದ ಕೆಲವರು ನನ್ನ ಆರೋಗ್ಯ ವಿಚಾರಿಸಲು ಬರುತ್ತಿದ್ದರು. ಇದರಿಂದ ಶೀಘ್ರ ಡಿಶಚಾರ್ಜ್ ಮಾಡಿಕೊಂಡು ಬಂದಿದ್ದೇನೆ. ಮುಂದೆ ಕೆಲವೇ ದಿನಗಳಲ್ಲಿ ಮತ್ತೆ ಆಸ್ಪತ್ರೆಗೆ ದಾಖಲಾಗಿ ಶಸ್ತ್ರ ಚಿಕಿತ್ಸೆ ಮಾಡಿಸಿಕೊಳ್ಳುತ್ತೇನೆ ಎಂದರು. ಹಲ್ಲೆ ಆರೋಪಿಗಳಲ್ಲಿ ಒಂದು ಸಮುದಾಯವರಿದ್ದಾರೆ ಎಂಬ ಮಾತ್ರಕ್ಕೆ ಆ ಸಮುದಾಯದ ಮೇಲೆ ನಾನು ಗೂಬೆ ಕೂರಿಸಲು ನಾನು ಸಿದ್ಧನಿಲ್ಲ. ನನಗೂ ಗೋವಾಕ್ಕೂ ಯಾವುದೇ ಸಂಬಂಧ ಇಲ್ಲ ಎಂದರು. ಸ್ಪಷ್ಟಪಡಿಸಿದರು. 

ಗೋಪಾಲಕೃಷ್ಣ ನಾಯಕ ಹತ್ಯೆ ಯತ್ನಕ್ಕೆ ಸಂಬಂಧಿಸಿದಂತೆ ಇನ್ನಿಬ್ಬರು ಆರೋಪಿಗಳನ್ನು ಪೊಲೀಸರು ಬಂಽಸಿ, ನ್ಯಾಯಾಲಯದ ವಶಕ್ಕೆ ಒಪ್ಪಿಸಿ ಹೆಚ್ಚಿನ ತನಿಖೆಗಾಗಿ ಮರಳಿ ಪೊಲೀಸ್ ಕಷ್ಟಡಿಗೆ ಪಡೆದಿದ್ದಾರೆ. ಬೆಳಗಾವಿಯ ಪ್ರೇಮಚಂದ್ರ ಹಾಗೂ ಸಚಿನ್ ಬಂಧಿತರು. ಗೋವಾದ ಜಾಕಿರ್, ನೈಜಲ್, ಸದ್ದಾಂ, ಇರ್ಫಾನ್ ಅವರನ್ನು ಪೊಲೀಸರು ಘಟನೆ ನಡೆದ ದಿನವೇ ಬಂಧಿಸಿ, ಪೊಲೀಸ್ ಕಷ್ಟಡಿಗೆ ಪಡೆದು, ತನಿಖೆ ಕೈಗೊಂಡಿದ್ದಾಗಿ ಕಾರವಾರ ಡಿವೈಎಸ್‌ಪಿ ಗಿರೀಶ್ ಎಸ್.ವಿ.ತಿಳಿಸಿದ್ದಾರೆ. 

ಪ್ರಕರಣದ ಸುಪಾರಿ ಪಡೆದ ಕಿಂಗ್ ಪಿನ್ ಗೋವಾ ಮೂಲದ ವ್ಯಕ್ತಿಗಾಗಿ ಹುಡುಕಾಟ ನಡೆದಿದೆ ಎಂಬ ಮಾಹಿತಿ ಇದೆ. ಅಲ್ಲದೇ ಸ್ಥಳೀಯ ವ್ಯಕ್ತಿಯೊಬ್ಬರ ಬಗ್ಗೆಯೂ ಪೊಲೀಸರು ಕಣ್ಣಿಟ್ಟಿದ್ದು, ತನಿಖೆ ಪೂರ್ಣಗೊಂಡ ಬಳಿಕವೇ ಇನ್ನಷ್ಟು ವಿಷಯ ಬಹಿರಂಗವಾಗಲಿದೆ. 

.........