ರಂಗಭೂಮಿಗೆ ನೀನಾಸಂ ಕೊಡುಗೆ ಅಪಾರ

ಪಟ್ಟಣದ ನ್ಯೂ ಇಂಗ್ಲೀಷ್ ಸ್ಕೂಲ್ ಸಭಾಭವನದಲ್ಲಿ ಮಾತೃಛಾಯಾ ಟ್ರಸ್ಟ್ ಆಶ್ರಯದಲ್ಲಿ ಆಯೋಜಿಸಿದ್ದ ನೀನಾಸಂ ನಾಟಕ ಪ್ರದರ್ಶನದ ಸಭಾ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಅಶೋಕ ಕಾಸರಕೋಡ ಅವರು ನಾಟಕ ತಂಡವನ್ನು ಕರೆಸಿ ಉಚಿತವಾಗಿ ಪ್ರದರ್ಶನ ನೀಡಲು ಕಾರಣರಾಗಿದ್ದಾರೆ. ನಾಟಕದ ಜತೆಗೆ ಸಾಧನೆ ಮಾಡಿದವರನ್ನು ಗುರುತಿಸಿ ಗೌರವಿಸುವ ಕಾರ್ಯ ನಡೆದಿದ್ದು, ಇಂದು ಮಂಗಳಮುಖಿಯರನ್ನು ಗೌರವಿಸಲಾಗಿದೆ. ಅವರಲ್ಲಿಯೂ ಉತ್ತಮ ಪ್ರತಿಭೆಯಿದೆ. ಗುರುತಿಸುವ ಕಾರ್ಯ ನಡೆಯಬೇಕು ಎಂದರು.

ಹೊನ್ನಾವರದಲ್ಲಿ ನೆಲೆನಿಂತಿರುವ ಏಳು ಜನ ಮಂಗಳಮುಖಿಯರನ್ನು ಸನ್ಮಾನಿಸಲಾಯಿತು. ಸನ್ಮಾನ ಸ್ವೀಕರಿಸಿದ ಮಂಗಳಮುಖಿ ಸಂಧ್ಯಾ ಮಾತನಾಡಿ, ಮನುಷ್ಯನಾಗಿ ಹುಟ್ಟಿದ ತಪ್ಪಿಗೆ ನಾವು ಜೀವನ ಮಾಡುತ್ತಿದ್ದೇವೆ. ಹೊನ್ನಾವರದ ಜನರ ಪ್ರೀತಿ ಸಿಕ್ಕಿದೆ. ಮಂಗಳಮುಖಿಯರಿಗೆ ಸರ್ಕಾರದಿಂದ ಸೌಲಭ್ಯಗಳು ಸಿಗುತ್ತಿಲ್ಲ. ಕಷ್ಟದ ಜೀವನ ನಡೆಸುತ್ತಿರುವ ನಮ್ಮನ್ನು ತುಚ್ಚವಾಗಿ ನೋಡಬೇಡಿ. ಸರ್ಕಾರಗಳು ನಮ್ಮ ಬಗ್ಗೆ ಕಾಳಜಿ ವಹಿಸಬೇಕು ಎಂದರು.

ಕಾರ್ಯಕ್ರಮ ಉದ್ಘಾಟಿಸಿದ ಅಖಿಲ ಭಾರತ ಕೊಂಕಣ ಖಾರ್ವಿ ಮಹಾಸಭಾದ ಅಧ್ಯಕ್ಷ ರವಿ ಟಿ. ನಾಯ್ಕ, ಒಕ್ಕಲಿಗ ಸಂಘದ ಪ್ರಧಾನ ಕಾರ್ಯದರ್ಶಿ ಬಾಲಚಂದ್ರ ಗೌಡ ಮಾತನಾಡಿದರು. ಮಾತ್ರಛಾಯಾ ಟ್ರಸ್ಟ್‌ನ ಅಶೋಕ ಕಾಸರಕೋಡ ಪ್ರಾಸ್ತಾವಿಕ ಮಾತನಾಡಿ, ಕಾರ್ಯಕ್ರಮ ನಿರ್ವಹಿಸಿದರು. ನಂತರ ನೀನಾಸಂ ಕಲಾವಿದರಿಂದ ‘ಅವತರಣಂ ಭ್ರಾಂತಾಲಯಮ್’ ನಾಟಕ ಪ್ರದರ್ಶನ ನಡೆಯಿತು.