ಗೋ ಸಂರಕ್ಷಣೆಗೆ ದೃಢ ಪ್ರಯತ್ನಗಳಾಗಲಿ

ಫೋಟೋ : 27ಕೆಎಂಟಿ1 ಮನವಿ :

ಭಾರತೀಯ ಸಂಸ್ಕೃತಿ, ಆರ್ಥಿಕತೆ, ಮಾನವ ಆರೋಗ್ಯ, ವಿಷಮುಕ್ತ ಕೃಷಿ ಮತ್ತು ಪರಿಸರ ಸಮತೋಲನದಲ್ಲಿ ಹಸುವಿನ ಸ್ಥಾನವು ಅತ್ಯಂತ ಮಹತ್ವದಾಗಿದೆ. ಶತಮಾನಗಳಿಂದಲೂ ಗೋವಂಶವು ಭಾರತೀಯ ಪರಂಪರೆಯ ಜೀವನಾಡಿಯಾಗಿದೆ. ಆದರೆ, ಪ್ರಸ್ತುತ ಪರಿಸ್ಥಿತಿಯಲ್ಲಿ ಅವುಗಳ ಸರಿಯಾದ ಸಂರಕ್ಷಣೆ, ಉತ್ತೇಜನದ ಕೊರತೆಯಿಂದಾಗಿ ಗೋವಂಶದ ಸ್ಥಿತಿ ಶೋಚನೀಯವಾಗಿದೆ. ಭಾರತದ ಭೂಮಿಯಲ್ಲಿ ಎಲ್ಲಾ ಗೋ ವಂಶಗಳೂ ಆರೋಗ್ಯಕರ, ಸಂತೋಷಕರ, ಗೌರವಯುತ ಮತ್ತು ಸುರಕ್ಷಿತವಾಗಿರಲು ಸರ್ಕಾರಿ ಮಟ್ಟದಲ್ಲಿ ಇನ್ನೂ ದೃಢವಾದ ಪ್ರಯತ್ನಗಳ ಅಗತ್ಯವಿದೆ.

ಸಮಸ್ತ ಗೋಭಕ್ತರು, ಸಂತ ಸಮಾಜ ಮತ್ತು ಭಾರತದ ಜಾಗೃತ ನಾಗರಿಕರ ವತಿಯಿಂದ ಗೋಮಾತೆಯ ಗೌರವದ ಆಹ್ವಾನದ ಅಭಿಯಾನದಡಿ ಗೋಮಾತೆಯ ರಕ್ಷಣೆ, ಸೇವೆ ಮತ್ತು ಸಂರಕ್ಷಣೆಗಾಗಿ ತಮ್ಮಲ್ಲಿ ಪ್ರಾರ್ಥಿಸುತ್ತೇವೆ ಎಂದು ಮನವಿಯಲ್ಲಿ ತಿಳಿಸಲಾಗಿದೆ.

ಶ್ರೀಸಂಸ್ಥಾನ ರಾಮಚಂದ್ರಾಪುರ ಮಠದ ಆದೇಶದಂತೆ ನೀಡಲಾದ ಮನವಿ ಅಭಿಯಾನದಲ್ಲಿ ಪ್ರಾಂತದ ಉಪಾಧ್ಯಕ್ಷ ಜಿ.ಎಸ್. ಹೆಗಡೆ, ಹೊಸಾಡ ಗೋಬ್ಯಾಂಕ್ ಅಧ್ಯಕ್ಷ ಮುರಳೀಧರ ಪ್ರಭು, ಮಂಡಲ ಅಧ್ಯಕ್ಷ ಎಸ್.ವಿ. ಹೆಗಡೆ ಭದ್ರನ್, ಮಂಡಲದ ಕೋಶಾಧಿಕಾರಿ ಗಣಪತಿ ಉಪ್ಪುಂದ, ಹೊಸಾಡ ಗೋಶಾಲೆ ಮತ್ತು ವಲಯ ಕಾರ್ಯದರ್ಶಿ ಗೋಪಾಲಕೃಷ್ಣ ಉಗ್ರು, ಮಂಡಲ ಸಹಾಯ ಪ್ರಧಾನ ಪ್ರದೀಪ ಹೆಗಡೆ ಇತರರಿದ್ದರು.