Global market ಜಾಗತಿಕ ಮಾರುಕಟ್ಟೆ ತಲುಪಲಿ ರಾಜ್ಯದ ಪ್ರೂಟ್ಸ್

ಶ್ರೀ ಶಂಕರ ಮಠದಲ್ಲಿ ಶ್ರೀ ರಾಘವೇಂದ್ರ ಇವೆಂಟ್ಸ್ ಆಯೋಜಿಸಿರುವ ಮೂರು ದಿನದ ಹಣ್ಣುಗಳು ಮತ್ತು ಆಹಾರ ಉತ್ಪನ್ನ ಮೇಳದಲ್ಲಿ ಮಳಿಗೆಗಳನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ಶ್ರೀಲಂಕಾದಂತಹ ಸಣ್ಣ ದೇಶ ವಿವಿಧ ಬಗೆಯ ಹಲಸಿನ ಹಣ್ಣಿನ ಮೂಲಕ ವಿಶ್ವ ಮಾರ್ಕೆಟ್‌ನಲ್ಲಿ ಸ್ಥಾನ ಪಡೆದಿದೆ. ನಮ್ಮ ರಾಜ್ಯದಲ್ಲೂ ಹಲಸು, ಮಾವು, ಪೇರಲ ಇತ್ಯಾದಿ ಸ್ಥಳೀಯ ಹಣ್ಣುಗಳನ್ನು ವಿಶೇಷ ಆರೈಕೆ ಮತ್ತು ಹೆಚ್ಚಿನ ನಿರ್ವಹಣೆ ಇಲ್ಲದೆ ಸುಲಭದಲ್ಲಿ ವಿಫುಲವಾಗಿ ಬೆಳೆಯಬಹುದಾಗಿದೆ. ಈ ಫಲಗಳು ಮತ್ತು ಅವುಗಳಿಂದ ರುಚಿಯಾದ ಬಗೆ ಬಗೆಯ ಖಾದ್ಯಗಳನ್ನು ಸಿದ್ಧಪಡಿಸುವ ಮೂಲಕ ವಿಶ್ವ ಮಾರುಕಟ್ಟೆಯನ್ನು ಆಕರ್ಷಿಸುವ ಪ್ರಯತ್ನಕ್ಕೆ ಅರಣ್ಯ ಇಲಾಖೆಯ ನೇತೃತ್ವದಲ್ಲಿ ಸರ್ಕಾರ ವಿಶೇಷ ಯೋಜನೆ ರೂಪಿಸಬೇಕು ಎಂದು ಶಾಸಕರು ಸೂಚಿಸಿದ ಅವರು, ಇಂತಹ ಸ್ಥಳೀಯ ಹಣ್ಣುಗಳ ಪ್ರಚಾರ ಮತ್ತು ಪ್ರಸಾರಕ್ಕೆ ಮುಂದಾದ ಮೇಳ ಸಂಘಟಕರ ಸಾಹಸಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದರು.

ಗ್ರಾಪಂ ಮಾಜಿ ಅಧ್ಯಕ್ಷ ಆನಂದ ಕವರಿ, ದೇಗುಲ ಪೂಜಾರಿ ವಿನಾಯಕ ಕಾಳೆ ಮಾತನಾಡಿದರು. ಜಿಲ್ಲಾ ಬಿಜೆಪಿ ಹಿಂದುಳಿದ ಘಟಕದ ಖಜಾಂಚಿ ಮಹೇಶ ಶೆಟ್ಟಿ, ಅರ್ಬನ್ ಬ್ಯಾಂಕ್ ನಿರ್ದೇಶಕ ರಾಮು ಕೆಂಚನ್, ಬಿಜೆಪಿ ಕಾರ್ಯಕರ್ತ ಸಂದೀಪ ಅಗಸಾಲಿ ವೇದಿಕೆಯಲ್ಲಿದ್ದರು. ಮೇಳದ ಸಂಯೋಜಕ ಗಣೇಶ ಗುನಗ, ಸುಜಯ ಶೆಟ್ಟಿ, ಮಲ್ಲಿಕಾರ್ಜುನ ಹೊನ್ನಾವರಕರ, ಕುಮಾರ ದೀವಟಿಗೆ ಕಾರ್ಯಕ್ರಮ ನಿರ್ವಹಿಸಿದರು.