Organization ಈಡಿಗ ಸಮಾಜದ ಜನಪ್ರತಿನಿಧಿಗಳು ಸಂಘಟನೆ ಬಲಗೊಳಿಸಲಿ

ಪುಣ್ಯಾಶ್ರಮದ ಶ್ರೀ ವಿಧುಶೇಖರ ಭಾರತೀ ಸ್ವಾಮೀಜಿ ಸಭಾಭವನದಲ್ಲಿ ಎರಡು ದಿನ ಆಯೋಜಿಸಲಾದ ಮಹಾಸಭೆ ಮತ್ತು ಚಿಂತನ ಶಿಬಿರದ ಸಮಾರೋಪದಲ್ಲಿ ಶ್ರೀಗಳು ಮಾತನಾಡಿದರು.

ಸಮಾಜದ ಬೆಂಬಲದಿಂದ ಆಯ್ಕೆಯಾದ ಜನಪ್ರತಿನಿಧಿಗಳು ವಿಧಾನ ಸಭೆ ಮತ್ತಿತರ ಕಡೆಗಳಲ್ಲಿ ಸಮಾಜದ ಪರ ಧ್ವನಿ ಎತ್ತುತ್ತಿಲ್ಲ. ಆಯ್ಕೆಯಾದ ಮೇಲೆ ಸಮಾಜ ಮತ್ತು ಸಮಾಜದ ಸಮಸ್ಯೆಗಳನ್ನು ಮರೆಯುತ್ತಾರೆ ಎಂಬ ದೂರುಗಳಿವೆ. ಈ ಹಿನ್ನೆಲೆಯಲ್ಲಿ ಸಮಾಜ ಮತ್ತು ಅದರ ಸಂಘಟನೆಗಳಿಗೆ ಅನುಕೂಲಕರವಾಗಿ ಕಾರ್ಯ ನಿರ್ವಹಿಸುವವರನ್ನು ಆಯ್ಕೆ ಮಾಡುವ ಬಗ್ಗೆ ಈ ಶಿಬಿರದಲ್ಲಿ ನಡೆದ ಚಿಂತನೆಗಳ ಕಾರ್ಯರೂಪದ ಬಗ್ಗೆ ನೂತನ ಪದಾಧಿಕಾರಿಗಳು ಮುಂದಾಗಬೇಕು ಎಂದ ಅವರು, ಸಮಾಜದ ಶ್ರೀನಾರಾಯಣ ಗುರು ನಿಗಮಕ್ಕೆ ಸರ್ಕಾರದಿಂದ ಅನುದಾನ ಬಿಡುಗಡೆ ಬಗ್ಗೆಯೂ ಪ್ರಯತ್ನಿಸಲಾಗುವುದು ಎಂದರು.

ಮಹಾಮಂಡಳಿ ರಾಜ್ಯಾಧ್ಯಕ್ಷರಾಗಿ ಮರುಆಯ್ಕೆಯಾದ ತಿಪ್ಪೇಶ ಮತ್ತು ರಾಜ್ಯ ಮಹಿಳಾ ಘಟಕದ ನೂತನ ಅಧ್ಯಕ್ಷೆಯಾಗಿ ಆಯ್ಕೆಗೊಂಡ ಯಶೋದಮ್ಮ ದಾವಣಗೆರೆ ಅವರನ್ನು ಶ್ರೀಗಳು ಸನ್ಮಾನಿಸಿದರು.

ಸಮಾರೋಪ ಸಭೆಯಲ್ಲಿ ವಿವಿಧ ಘಟಕಗಳ ಪದಾಧಿಕಾರಿಗಳ ಆಯ್ಕೆ ನಡೆಯಿತು. ರಾಜ್ಯ ಘಟಕದ ಲಕ್ಷ್ಮೀನರಸಯ್ಯ, ಮಂಚೇಗೌಡ, ಜಗದೀಶ ಇಳಗೇರಿ, ಜಿಲ್ಲಾಧ್ಯಕ್ಷ ದೇವರಾಜ ನಾಯ್ಕ, ತಾಲೂಕಾಧ್ಯಕ್ಷರಾದ ದಾಮೋದರ ನಾಯ್ಕ, ಶ್ರೀಧರ ನಾಯ್ಕ, ರಾಜೇಶ ನಾಯ್ಕ, ಸತೀಶ ನಾಯ್ಕ, ಮಂಜುಳಾ ನಾಯ್ಕ ವೇದಿಕೆಯಲ್ಲಿದ್ದರು. ನಾಗರಾಜ ಮಂಜಗುಣಿ, ತೇಜಸ್ವಿ ನಾಯ್ಕ, ವರ್ಧನ ನಾಯ್ಕ ಇತರರು ಕಾರ್ಯಕ್ರಮ ನಿರ್ವಹಿಸಿದರು. ಪುಣ್ಯಾಶ್ರಮದ ವತಿಯಿಂದ ಡಾ.ಪ್ರಣವಾನಂದ ಶ್ರೀಗಳನ್ನು ರಾಜಗೋಪಾಲ ಅಡಿ ಗುರೂಜಿ ಅವರ ಪರವಾಗಿ ಪವನ ಗುನಗ ಶ್ರೀ ಮಹಾಬಲೇಶ್ವರ ಆತ್ಮಲಿಂಗದ ಸ್ಮರಣಿಕೆ ಸಮರ್ಪಿಸಿ ಗೌರವಿಸಿದರು.