ರಸ್ತೆ ನಿರ್ಮಾಣಕ್ಕೆ ಹೊಸ್ಕಟ್ಟ ಗ್ರಾಮಸ್ಥರ ಮನವಿ

ಮನವಿ ಸ್ವೀಕರಿಸಿದ ಶಾಸಕ ದಿನಕರ ಶೆಟ್ಟಿ ಮಾತನಾಡಿ, ಈಗಾಗಲೇ ಸ್ಥಳ ಭೇಟಿ ಮಾಡಿ ಪರಿಶೀಲನೆ ಮಾಡಿದ್ದೇನೆ. ರಸ್ತೆಯ ಅಗತ್ಯದ ಬಗ್ಗೆ ವಿಜಯವಾಣಿ ವಿಶೇಷ ವರದಿ ಪ್ರಕಟಿಸಿದ್ದು, ಇದನ್ನು ಅನುಸರಿಸಿ ಈಗಾಗಲೇ ಅಧಿವೇಶನದಲ್ಲಿ ಸಂಬಂಧಿಸಿದ ಸಚಿವರ ಗಮನ ಸೆಳೆದಿದ್ದೇನೆ. ಆದಷ್ಟು ಬೇಗ ಅನುದಾನದ ವ್ಯವಸ್ಥೆ ಮಾಡಿ, ಮಕ್ಕಳ ಓಡಾಟಕ್ಕೆ ಸುರಕ್ಷಿತವಾದ ಕಾಮಗಾರಿಗೆ ಕ್ರಮ ತೆಗೆದುಕೊಳ್ಳುತ್ತೇನೆ ಎಂದು ಗ್ರಾಮಸ್ಥರಿಗೆ ಭರವಸೆ ನೀಡಿದರು.

ಗ್ರಾಮದ ಶಿವಾನಂದ ಹೊಸ್ಕಟ್ಟ, ಪ್ರಮೋದ, ಲಕ್ಷ್ಮಣ, ಚಿದಂಬರ, ಬುದವಂತ, ನಾಗರಾಜ, ಮಹಾದೇವ ಮತ್ತು ಮಿರ್ಜಾನ್ ಗ್ರಾಪಂ ಸದಸ್ಯ ಮಂಜುನಾಥ ಕಿಮಾನಿ ಇದ್ದರು.