haliyal ಹಳಿಯಾಳ ಬಂದ್ ಮಾ. 16ರಂದು

ಬೇರೆ ಜಿಲ್ಲೆಗಳಲ್ಲಿ ಸುಮಾರು ನೂರು ಕಿಲೋಮೀಟರ್ ದೂರದಿಂದ ಕಾಲುವೆ ನಿರ್ಮಿಸಿ ನೀರಾವರಿ ಮಾಡಿ, ಕೃಷಿ ಕ್ರಾಂತಿ ಮಾಡಿ ರೈತರ ಬದುಕು ಹಸನು ಮಾಡಲಾಗಿದೆ. ಆದರೆ, ದಾಂಡೇಲಿ ತಾಲೂಕಿನಿಂದ ಕೇವಲ 20 ಕಿಲೋ ಮೀಟರ್ ದೂರದಲ್ಲಿದ್ದರೂ ಇದುವರೆಗೆ ಹಳಿಯಾಳ ತಾಲೂಕಿಗೆ ನೀರಿನ ಭಾಗ್ಯವಿಲ್ಲ. ಹೀಗಾಗಿ, ರೈತರು ತಾಳ್ಮೆ ಕಳೆದುಕೊಂಡಿದ್ದಾರೆ. ಒಂದು ವೇಳೆ ತಾಲೂಕಿಗೆ ನೀರು ಕೊಡದಿದ್ದರೆ ರಕ್ತ ಕ್ರಾಂತಿ ಆಗುತ್ತದೆ ಎಂದು ಬೊಬಾಟಿ ಎಚ್ಚರಿಕೆ ನೀಡಿದರು.

ನೀರು ಕೊಡುವ ಯೋಗ್ಯತೆ ಇಲ್ಲವೆಂದರೆ ಶಾಸಕರಿಗೆ ಕುರ್ಚಿ ಮೇಲೆ ಕುಳಿತುಕೊಳ್ಳುವ ಅಧಿಕಾರ ಇಲ್ಲ. ನೀರು ಕೊಡಲು ಆಗುವುದಿಲ್ಲವೆಂದರೆ ರಾಜೀನಾಮೆ ಕೊಡಿ. ಮಾ. 16ರಂದು ಹಳಿಯಾಳ ಬಂದ್‌ಗೆ ಹಳಿಯಾಳದ ಎಲ್ಲ ವರ್ತಕರು, ವಿವಿಧ ಸಂಘಟನೆಗಳು ಸ್ವಯಂ ಪ್ರೇರಿತರಾಗಿ ಸಹಕರಿಸುತ್ತಾರೆ ಎಂಬ ವಿಶ್ವಾಸ ನಮಗಿದೆ ಎಂದರು.

ಕಬ್ಬು ಬೆಳೆಗಾರ ರೈತ ಹಿತ ಸಂರಕ್ಷಣಾ ಸಮಿತಿ ಅಧ್ಯಕ್ಷ ನಾಗೇಂದ್ರ ಜಿವೋಜಿ ಮಾತನಾಡಿ, ಕಾಳಿ ನದಿ ಯೋಜನೆಯಡಿ ಕೇವಲ 46 ಕೆರೆಗಳು ಹಾಗೂ 19 ಬಾಂದಾರುಗಳಲ್ಲಿ ನೀರು ತುಂಬಿದರೆ ತಾಲೂಕಿನಲ್ಲಿ ನೀರಾವರಿ ಆಗುತ್ತದೆಯೇ ಎಂಬ ಪ್ರಶ್ನೆ ಉದ್ಭವಿಸುತ್ತಿದೆ. ಕಳೆದ ತಿಂಗಳು ಜಿಲ್ಲಾಧಿಕಾರಿಗಳಿಗೆ ಸಭೆ ನಡೆಸಲು ನಾವು ಮನವಿ ಮಾಡಿದ್ದೇವೆ. ಕಾಮಗಾರಿ ವಿಳಂಬ ಮಾಡಿದವರ ವಿರುದ್ಧ ಕ್ರಮ ಕೈಗೊಳ್ಳಬೇಕು. ಕೂಡಲೇ ಕಾಮಗಾರಿಯನ್ನು ಪೂರ್ಣಗೊಳಿಸಿ ರೈತರಿಗೆ ನೀರು ಒದಗಿಸಬೇಕು ಎಂದು ಒತ್ತಾಯಿಸಿದ್ದೇವೆ. ಇಲ್ಲವಾದರೆ ಪ್ರತಿಭಟನೆ ಹಮ್ಮಿಕೊಳ್ಳಲಾಗುವುದು ಎಂದು ಜಿಲ್ಲಾಧಿಕಾರಿಗಳಿಗೆ ತಿಳಿಸಿದ್ದೇವೆ ಎಂದರು.

ಕೆಲವು ದಿನಗಳ ಹಿಂದೆ ಶಾಸಕರು ತಮ್ಮ ಪತ್ರಿಕಾ ಹೇಳಿಕೆಯಲ್ಲಿ ಒಳಚರಂಡಿ ಯೋಜನೆ ನಿರ್ವಹಣೆಗೆ 10 ಕೋಟಿ ರೂಪಾಯಿ ಮಂಜೂರಾಗಿದೆ ಎಂದು ಹೇಳಿಕೆ ನೀಡಿದ್ದರು. ಯಾವುದೇ ಕಾಮಗಾರಿ ಪೂರ್ಣಗೊಂಡ ನಂತರ ಎರಡರಿಂದ ಮೂರು ವರ್ಷಗಳ ಕಾಲ ಕಾಮಗಾರಿ ನಿರ್ವಹಣೆಯ ಜವಾಬ್ದಾರಿ ಗುತ್ತಿಗೆದಾರನ ಮೇಲಿರುತ್ತದೆ. ಆದರೆ, ಇನ್ನೂ ಕಾಮಗಾರಿಯೇ ಪೂರ್ಣಗೊಂಡಿಲ್ಲದಿದ್ದರೂ ಮತ್ತೆ ನಿರ್ವಹಣೆಗೆ 10 ಕೋಟಿ ರೂ. ಮಂಜೂರಾಗಿದೆ. ಇದು ಯಾವ ಉದ್ದೇಶಕ್ಕೆ ಬಳಕೆ ಆಗುತ್ತಿದೆ ಎಂಬುದನ್ನು ಬಹಿರಂಗಪಡಿಸಬೇಕು ಎಂದು ಜಿವೋಜಿ ಆಗ್ರಹಿಸಿದರು.

ಸುದ್ದಿಗೋಷ್ಠಿಯಲ್ಲಿ ಶಂಕರ ಕಾಜಗಾರ, ಎಂ.ವಿ. ಘಾಡಿ, ಸಾತುರಿ ಗೋಡಿಮನಿ, ವಿರೂಪಾಕ್ಷ ಪಾಟೀಲ, ರಾಮದಾಸ್ ಬೆಳಗಾಂಕರ, ನಕುಲ್ ಕೆಚ್ಚನವರ, ಮಂಜುನಾಥ, ಸುರೇಶ ಶಿವಣ್ಣನವರ ಇತರರು ಇದ್ದರು.