‘ಬಿಜೆಪಿ’ಯಿಂದ ಅತಿಕ್ರಮಣ ತೆರವು ‘ರಾಜಕೀಯ’

ತಾಲೂಕಿನ ಗೋಳಿಕೈಯಲ್ಲಿ ಅರಣ್ಯ ಇಲಾಖೆಯವರು ಅಡಕೆ ಮರ ಕಡಿದ ಜಾಗಕ್ಕೆ ಭೇಟಿ ನೀಡಿ ಸುದ್ದಿಗಾರರೊಂದಿಗೆ ಶುಕ್ರವಾರ ಮಾತನಾಡಿ ಹತ್ತಾರು ವರ್ಷಗಳಿಂದ ಬೆಳೆಸಿ ಪೋಷಿಸಿದ ಗಿಡ-ಮರಗಳನ್ನು ಕಡಿದಾಗ ನಿಜಕ್ಕೂ ನೋವಾಗುತ್ತದೆ.

ಗೋಳಿಕೈ ವಿಚಾರದಲ್ಲಿ ತೆರವುಗೊಳಿಸಿದ ಜಾಗ ಜಿಪಿಎಸ್ ಆಗಿರಲಿಲ್ಲ. ಹಾಗಾಗಿ ನ್ಯಾಯಾಲಯ ಕೂಡ ತೆರವುಗೊಳಿಸಲು ಆದೇಶ ನೀಡಿತ್ತು ಎಂಬ ಮಾಹಿತಿ ದೊರೆತಿದೆ.

ಫಸಲು ಬರುವ ಮರಗಳನ್ನು ಕಡಿದಿರುವುದನ್ನು ನೋಡಿದರೆ ಎಂತಹವರ ಮನ ಕೂಡ ಕಲಕುತ್ತದೆ. ಅರಣ್ಯ ಇಲಾಖೆಯ ಗಾರ್ಡ್ ಹಾಗೂ ವಾಚಮನ್‌ಗಳು ಕತ್ತೆ ಕಾಯುತ್ತಿದ್ದಾರೆಯೇ? ಕಡಿಯುವ ಬದಲು ಅರಣ್ಯ ಇಲಾಖೆ ಗಡಿ ಗುರುತಿಸಿ ತಮ್ಮ ಸ್ವಾಧೀನಕ್ಕೆ ತೆಗೆದುಕೊಳ್ಳಬಹುದಿತ್ತು.

ಅತಿಕ್ರಮಣ ಭೂಮಿಗೆ ಸಂಬಂಧಿಸಿದಂತೆ ತಾಲೂಕಿನಲ್ಲಿ ಇನ್ನು ಮುಂದೆ ಯಾವುದೇ ಬೆಳೆಯನ್ನು ನಾಶಮಾಡುವಂತಿಲ್ಲ. ಅರಣ್ಯ ಇಲಾಖೆ ರೈತರ ಜಮೀನು ಹಾಗೂ ಇಲಾಖೆಯ ಭೂಮಿಯ ನಡುವೆ ಗಡಿಯನ್ನು ಗುರುತಿಸಿ ಅಗಳ ತೆಗೆದು ಸ್ಪಷ್ಟ ಚಿತ್ರಣ ನೀಡಬೇಕು. ಯಾರೇ ಹೊಸದಾಗಿ ಅತಿಕ್ರಮಣ ಮಾಡಿ ಅಡಕೆ ಮತ್ತಿತರ ಬೆಳೆ ಬೆಳೆಯಲು ಮುಂದಾದರೆ ಮೊದಲೇ ತಡೆಯಬೇಕು. ಗಿಡ ನೆಟ್ಟು ಬೆಳೆದ ನಂತರ ಕಡಿಯಲು ಮುಂದಾದರೆ ಜನ ಸುಮ್ಮನಿರುವುದಿಲ್ಲ. ರೈತರು ಸಿಡಿದೆದ್ದರೆ ಯಾವ ಕಾನೂನು ಹಾಗೂ ಇಲಾಖೆ ಲೆಕ್ಕಕ್ಕೆ ಬರುವುದಿಲ್ಲ. ಇಲಾಖೆಯ ಅಧಿಕಾರಿ ಹಾಗೂ ಸಿಬ್ಬಂದಿ ಯೋಚಿಸಿ ನಿರ್ಧಾರ ಕೈಗೊಳ್ಳಬೇಕು ಎಂದರು.