ಸ್ಥೂಲತೆಯ ಅರಿವು ಮೂಡಿಸಿದ ಜಾಗೃತಿ ಕಾರ್ಯಾಗಾರ

ಸ್ಥೂಲತೆ ಅಪಾಯಗಳು, ಇದರಿಂದ ಆರೋಗ್ಯದ ಮೇಲಾಗುವ ಪರಿಣಾಮಗಳು ಹಾಗೂ ನೈಸರ್ಗಿಕ ಚಿಕಿತ್ಸಾ ಪದ್ಧತಿ ಮತ್ತು ಯೋಗ ವಿಜ್ಞಾನದ ಮೂಲಕ ಆರೋಗ್ಯಕರ ತೂಕ ನಿಯಂತ್ರಣದ ಮಹತ್ವದ ಬಗ್ಗೆ ಜಾಗೃತಿ ಮೂಡಿಸಲಾಯಿತು. ಅಲ್ಲದೆ, ಯೋಗಾಭ್ಯಾಸ, ನೈಸರ್ಗಿಕ ಚಿಕಿತ್ಸೆಗಳು ಆಹಾರ ನಿಯಂತ್ರಣ ಡಿಟಾಕ್ಸ್ ವಿಧಾನಗಳು ಹಾಗೂ ಜೀವನಶೈಲಿ ಪರಿವರ್ತನೆ ಕುರಿತು ಪ್ರಾಯೋಗಿಕ ತರಬೇತಿ ನೀಡಲಾಯಿತು .

ಶಿಬಿರದ ಸಮಾರೋಪದಲ್ಲಿ ಪಿಎಸ್‌ಐ ಶ್ರೀಶಾಂತನಾಥ ಮಾತನಾಡಿ, ವಿಶೇಷವಾಗಿ ಪೊಲೀಸ್ ಸಿಬ್ಬಂದಿಗೆ ದೈಹಿಕ ಕ್ಷಮತೆ ಮತ್ತು ಶಿಸ್ತಿನ ಜೀವನಶೈಲಿಯ ಅಗತ್ಯತೆ ಕುರಿತು ಮಾಹಿತಿ ನೀಡಿದರು.

ಧನ್ವಂತರಿ ಆರ್ಯುವೇದ ಮಹಾವಿದ್ಯಾಲಯದ ಪ್ರಾಚಾರ್ಯೆ ಡಾ.ರೂಪಾ ಭಟ್ಟ ಮಾತನಾಡಿ, ಆಹಾರ ಕ್ರಮದ ಮಹತ್ವ ಮತ್ತು ಸ್ಥೂಲತೆಯ ಆರೋಗ್ಯದ ಕುರಿತು ವಿವರಿಸಿದರು.

ಕಾಲೇಜ್ ಪ್ರಾಚಾರ್ಯೆ ಡಾ. ವಾಣಿ ಜೀರಗಲ್ ಮಾತನಾಡಿ, ದೈನಂದಿನ ಯೋಗಾಭ್ಯಾಸ ಆರೋಗ್ಯಕರ ಆಹಾರ ಪದ್ಧತಿ ಮತ್ತು ಶಿಸ್ತಿನ ದಿನಚರಿ ಅನುಸರಿಸುವುದು ಮುಂತಾದ ಸಣ್ಣ ಬದಲಾವಣೆಗಳು ಸಹ ಗಮನಾರ್ಹ ಪರಿಣಾಮ ಬೀರುತ್ತವೆ. ಬೊಜ್ಜು ತಡೆಗಟ್ಟಬಹುದಾದ ಮತ್ತು ಚಿಕಿತ್ಸೆ ನಿಡಬಹುದಾದ ಕಾಯಿಲೆಯಾಗಿದೆ ಎಂದು ವಿವರಿಸಿದರು

ಸಂಸ್ಥೆ ಅಧ್ಯಕ್ಷ ಶಶಿಭೂಷಣ.ವಿ. ಹೆಗಡೆ ಇತರರು ಉಪಸ್ಥಿತರಿದ್ದರು. ಡಾ. ಭಾರ್ಗವ ಜೆ.ಆರ್. ಸಂಯೋಜಿಸಿದರು. ಅಪೂರ್ವ ಹೆಗಡೆ, ಡಾ. ನಿಖಿತಾ ಹಾಗೂ ಡಾ.ಸುರೇಶ ಕಾರ್ಯಕ್ರಮ ನಿರ್ವಹಿಸಿದರು.