ಕನಕಗಿರಿ: ರಾಜ್ಯ ಸರ್ಕಾರಿ ನೌಕರರಿಗೆ ಕಂಟಕವಾಗಿರುವ ಎನ್ಪಿಎಸ್ ರದ್ದತಿಗಾಗಿ ಹೋರಾಟ ಹಮ್ಮಿಕೊಳ್ಳಲಾಗಿದೆ ಎಂದು ಸಂಘದ ಅಧ್ಯಕ್ಷ ಶಾಂತಾರಾಮ್ ತೇಜ್ ಹೇಳಿದರು. ಎನ್ಪಿಎಸ್ ನೌಕರರ ಸಂಕಲ್ಪ ಯಾತ್ರೆ ನಿಮಿತ್ತ ಪಟ್ಟಣದಲ್ಲಿ ಸೋಮವಾರ ಏರ್ಪಡಿಸಿದ್ದ ಸಭೆಯಲ್ಲಿ ಮಾತನಾಡಿದರು. ಈಗಾಗಲೇ 21 ಜಿಲ್ಲೆಗಳಲ್ಲಿ ಯಾತ್ರೆ ನಡೆಯುತ್ತಿದ್ದು, ಕೆಲವೇ ದಿನಗಳಲ್ಲಿ ರಾಜ್ಯವೇ ಸುತ್ತಲಿದೆ. ನಿಶ್ಚಿತ ಪಿಂಚಣಿ ಯೋಜನೆ ಜಾರಿಗೆ ಬೆಂಗಳೂರಲ್ಲಿ ಮಾಡು ಇಲ್ಲವೇ ಮಡಿ ಹೋರಾಟ ಹಮ್ಮಿಕೊಂಡಿದ್ದು, ನೌಕರರು ರಜೆ ಲೆಕ್ಕಿಸದೆ ಹೋರಾಟದಲ್ಲಿ ಪಾಲ್ಗೊಂಡರೆ ಬೇಡಿಕೆ ಈಡೇರಲು ಸಾಧ್ಯ ಎಂದು ತಿಳಿಸಿದರು. ಎನ್ಪಿಎಸ್ ನೌಕರರ ಸಂಘದ ತಾಲೂಕು ಅಧ್ಯಕ್ಷ ಸಂಜೀವ ಎಸ್.ಐ ಮಾತನಾಡಿದರು. ಸಂಘದ ಜಿಲ್ಲಾ ಕಾರ್ಯದರ್ಶಿ ಶಿವಪ್ಪ ಹೆಳವರ, ನೌಕರರಾದ ಚೇತನಕುಮಾರ, ಮಂಜು ಕೆ.ಎಲ್, ಧನಂಜಯ ಹೊಸಪೇಟೆ, ಸಂತೋಷ, ಮಹಾಂತೇಶ ರಕ್ಕಸಗಿ, ಮಂಜುನಾಥ ಹಾಸಗಲ್, ಶಂಶಾದ್ಬೇಗಂ, ರಾಮಚಂದ್ರ ಮಾಕಣ್ಣವರ್, ಹೇಮಾವತಿ ರಾಠೋಡ್, ಗೀತಾ ಅಂಬೋರೆ ಇತರರಿದ್ದರು.
