ಜಮೀನುಗಳಲ್ಲೇ ಬಹಿರ್ದೆಸೆ
ರಾಗಿ, ಜೋಳದ ಹೊಲ, ಕಬ್ಬು, ಭತ್ತದ ಗದ್ದೆ, ಅಡಕೆ, ತೆಂಗು, ಬಾಳೆ ತೋಟಗಳಿಗೆ ಕಾಲಿಟ್ಟರೆ ಮಲ, ಮೂತ್ರದ ದುರ್ವಾಸನೆ ಬಡಿಯುತ್ತದೆ. ವೀರಾಪುರ ಗ್ರಾಪಂ ವ್ಯಾಪ್ತಿಯ ನೇರಲೆಕೆರೆ ರಸ್ತೆಯಲ್ಲಿ 7 ಆಲೆಮನೆಗಳು ಬೆಲ್ಲ ತಯಾರಿಕೆಯಲ್ಲಿ ತೊಡಗಿವೆ. ಒಂದೊAದು ಆಲೆಮನೆಯಲ್ಲಿ ಸುಮಾರು 10-15 ಜನ ಕಾರ್ಮಿಕರು ಕೆಲಸ ಮಾಡುತ್ತಿದ್ದಾರೆ. ನೆರೆ ಊರುಗಳಿಂದ ಬಂದ ಎಲ್ಲರೂ ಆಲೆಮನೆಗಳಲ್ಲಿಯೇ ವಾಸಿಸುತ್ತಿದ್ದು ಅವರು ಶೌಚಗೃಹ ಕೊರತೆಯಿಂದ ಸುತ್ತಮುತ್ತಲ ಜಮೀನುಗಳಲ್ಲೇ ಬಹಿರ್ದೆಸೆಗೆ ಹೋಗುತ್ತಿದ್ದಾರೆ. ಇದು ಗದ್ದೆ ಕೆಲಸಕ್ಕೆ ಬರುವ ಕಾರ್ಮಿಕರಿಗೆ ಕಿರಿಕಿರಿ ಉಂಟುಮಾಡುತ್ತಿದೆ.
ವಾರದ ಗಡುವು ನೀಡಿರುವ ಪಿಡಿಒ
ಕಡಿಮೆ ಎತ್ತರವಿರುವ ಆಲೆಮನೆಯ ಬೆಂಕಿಯ ಚಿಮಣಿಗಳನ್ನು ವಾರದೊಳಗೆ ಎತ್ತರಿಸಬೇಕು. ಪ್ಲಾಸ್ಟಿಕ್ ಸೇರಿ ಪರಿಸರ ಮಾಲಿನ್ಯಕ್ಕೆ ಕಾರಣವಾಗುವ ಅನುಪಯುಕ್ತ ವಸ್ತುಗಳನ್ನು ಬೆಂಕಿಗೆ ಹಾಕಿ ಬೆಲ್ಲ ತಯಾರಿಸಬಾರದು ಎಂದು ಆಲೆಮನೆಗಳಿಗೆ ಗ್ರಾಮಸ್ಥರೊಂದಿಗೆ ಭೇಟಿ ನೀಡಿದ ಪಿಡಿಒ ಲತಾ ಸೂಚಿಸಿದರು. ಅಲ್ಲದೆ ಕಾರ್ಮಿಕರಿಗೆ ಶೌಚಗೃಹ ವ್ಯವಸ್ಥೆ ಮಾಡಿಸಬೇಕು. ಪರಿಸರ ಮಾಲಿನ್ಯ ತಡೆಯಲು ವಿಫಲವಾದಲ್ಲಿ ಆಲೆಮನೆ ಮಾಲೀಕರ ವಿರುದ್ಧ ಶಿಸ್ತುಕ್ರಮ ಕೈಗೊಳ್ಳುವುದಾಗಿ ಎಚ್ಚರಿಸಿದರು.
