ಇದೀಗ ಕಾಂಗ್ರೆಸ್ ಸರ್ಕಾರ ಅನಧಿಕೃತ ಅಸ್ತಿಗಳಿಗೆ ತೆರಿಗೆ ಕಟ್ಟಿಸಿಕೊಂಡು ಬಿ ಖಾತೆ ನೀಡಿ ಅಧಿಕೃತಗೊಳಿಸುತ್ತೇವೆ ಎಂಬ ಗ್ರಹಿಕೆಯನ್ನು ಹುಟ್ಟುಹಾಕಲಾಗಿದೆ. ರಾಜ್ಯದ ನಗರ ಸ್ಥಳೀಯ ಸಂಸ್ಥೆಗಳಲ್ಲಿ ಒಟ್ಟು 54,91,269 ಆಸ್ತಿಗಳಿವೆ. ಈ ಪೈಕಿ ಅಧಿಕೃತವಾಗಿ 20,55,668, ಅನಧಿಕೃತವಾಗಿ 34,35,601 ಆಸ್ತಿಗಳಿವೆ. ಇದರಲ್ಲಿ 33,68,852 ವಸತಿ ಆಸ್ತಿಗಳು, 4,40,666 ವಾಣಿಜ್ಯ ಆಸ್ತಿಗಳು, 29,978 ಕೈಗಾರಿಕಾ ಆಸ್ತಿಗಳು, 16,17,512 ಖಾಲಿ ನಿವೇಶನಗಳ ಆಸ್ತಿಗಳಿವೆ. ಗ್ರಾಮೀಣ ಪ್ರದೇಶದ 1.40 ಕೋಟಿ ಆಸ್ತಿಗಳಿವೆ. ಅದರಲ್ಲಿ 96 ಲಕ್ಷ ಅನಧಿಕೃತ ಆಸ್ತಿಗಳಿವೆ. ಕೊಳ್ಳೇಗಾಲ ನಗರಸಭೆ ವ್ಯಾಪ್ತಿಯಲ್ಲಿ 5,320, ಚಾಮರಾಜನಗರದಲ್ಲಿ 4,500 ಅನಧಿಕೃತ ಆಸ್ತಿಗಳಿವೆ. ಆರು ವರ್ಷದ ಹಿಂದಿನ ತೆರಿಗೆ ಕಟ್ಟಿಸಿಕೊಂಡು ಬಿ ಖಾತೆ ನೀಡುವ ಬದಲು ಎ ಖಾತೆ ನೀಡಬೇಕೇಂದು ಒತ್ತಾಯಿಸಿದರು.
