ರಾತ್ರಿ 8.30ಕ್ಕೆ ವಿಶೇಷ ಪ್ರಾರ್ಥನೆ ಸಲ್ಲಿಸುವ ಮೂಲಕ ಗಂಧವನ್ನು ದರ್ಗಾಕ್ಕೆ ಸಮರ್ಪಿಸಲಾಯಿತು. ರಾತ್ರಿ ಅಬ್ರಾರ್ ಅಹ್ಮದ್, ಅಬ್ದುಲ್ ಹಲೀಂ ಹಾಗೂ ಕೇರಳದ ನೃತ್ಯ ತಂಡಗಳು ಪ್ರವಚನ ಹಾಗೂ ದೇವರ ನಾಮಗಳನ್ನು ಹಾಡುವ ಮೂಲಕ ರಂಜಿಸಿದರು. ಬೆಂಗಳೂರು, ಮೈಸೂರು, ಮಂಡ್ಯ, ಚಾಮರಾಜನಗರ ಸೇರಿದಂತೆ ವಿವಿಧ ಜಿಲ್ಲೆಗಳಿಂದ ಬಂದಿದ್ದ ಸಾವಿರಾರು ಭಕ್ತರು ದರ್ಗಾದ ದರ್ಶನ ಪಡೆದರು.
ಶಾಸಕ ಎ.ಆರ್.ಕೃಷ್ಣಮೂರ್ತಿ ದರ್ಗಾಕ್ಕೆ ಭೇಟಿ ನೀಡಿ ಪ್ರಾರ್ಥನೆಯಲ್ಲಿ ಭಾಗವಹಿಸಿದ್ದರು. ಹಿಂದು ಭಕ್ತರು ಭಾಗವಹಿಸಿದ್ದರು. ಪಪಂ ಸದಸ್ಯರಾದ ಮಹೇಶ್, ವೈ.ಜಿ.ರಂಗನಾಥ, ಶಾಂತಮ್ಮ ನಿಂಗರಾಜು, ಲಕ್ಷ್ಮೀಮಲ್ಲು, ಮುಖಂಡರಾದ ನಯಾಜ್ ಖಾನ್, ಲಿಂಗರಾಜ ಮೂರ್ತಿ ಇತರರು ಇದ್ದರು.
