ಗೋವನಾಳ ಸೇತುವೆ ದುರಸ್ತಿಗೆ ಒತ್ತಾಯ

ಲಕ್ಷೆ್ಮೕಶ್ವರ: ಇಳಕಲ್-ಕೈಗಾ ರಾಜ್ಯ ಹೆದ್ದಾರಿಯ ಗೋವನಾಳ ಗ್ರಾಮದ ಸಮೀಪವಿರುವ ಸೇತುವೆ ಶಿಥಿಲಗೊಂಡಿದ್ದು, ಸಂಬಂಧಪಟ್ಟ ಲೋಕೋಪಯೋಗಿ ಇಲಾಖೆಯವರು ದುರಸ್ತಿಗೊಳಿಸಬೇಕು ಎಂದು ಗ್ರಾಮಸ್ಥರು ಒತ್ತಾಯಿಸಿದ್ದಾರೆ.

ಉತ್ತರ ಕರ್ನಾಟಕ ಭಾಗದಿಂದ ಗದಗ, ಲಕ್ಷೆ್ಮೕಶ್ವರ ಮಾರ್ಗವಾಗಿ ಬೆಂಗಳೂರು ತಲುಪುವ ಪ್ರಮುಖ ರಾಜ್ಯ ಹೆದ್ದಾರಿ ಇದಾಗಿದೆ. ಈ ರಸ್ತೆ ಮೇಲೆ ಮರಳು, ಮಣ್ಣು, ಎಂ. ಸ್ಯಾಂಡ್, ಖಡಿ ಸೇರಿ ಅತೀ ಭಾರವಾದ ಲಾರಿ, ಟಿಪ್ಪರ್ ವಾಹನಗಳೂ ಹಾದು ಹೋಗುವುದರಿಂದ ಶಿಥಿಲಗೊಂಡಿರುವ ಸೇತುವೆ ಅಪಾಯಕ್ಕೆ ಆಹ್ವಾನ ನೀಡುವಂತಿದೆ. 1960 ಇಸ್ವಿಯಲ್ಲಿ ಈ ಸೇತುವೆ ನಿರ್ವಿುಸಲಾಗಿದ್ದು, ಈ ವರೆಗೂ ಯಾವುದೇ ದುರಸ್ತಿ ಕಂಡಿಲ್ಲ. ಸೇತುವೆಗೆ ಉಪಯೋಗಿಸಿರುವ ಕಬ್ಬಿಣ ತುಕ್ಕು ಹಿಡಿದಿದ್ದು, ಅಲ್ಲಲ್ಲಿ ಕಿತ್ತು ಹೋಗಿದೆ. ಸುತ್ತಲೂ ಗಿಡ-ಕಂಟಿಗಳು ಬೆಳೆದು ಸೇತುವೆ ಕಾಣದಂತಾಗಿ ಅಪಾಯಕ್ಕೆ ಆಹ್ವಾನ ನೀಡುವಂತಿದೆ. ಕೂಡಲೇ ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳು ಸೇತುವೆಯನ್ನು ಶೀಘ್ರ ದುರಸ್ತಿಗೊಳಿಸಬೇಕು ಎಂದು ಗ್ರಾಮಸ್ಥರು ಆಗ್ರಹಿಸಿದ್ದಾರೆ.

ಗೋವನಾಳ ಗ್ರಾಮದ ಮಂಜನಗೌಡ ಕೆಂಚನಗೌಡ, ಚಂದ್ರು ತಳವಾರ, ನಾಗರಾಜ ದೊಡ್ಡಮನಿ, ಭರಮಣ್ಣ ರೊಟ್ಟಿಗವಾಡ, ಶೇಖರಗೌಡ ಕರಿಗೌಡ್ರ ಮತ್ತಿತರರು, ಈ ಕುರಿತು ಪ್ರತಿಕ್ರಿಯಿಸಿ 65 ವರ್ಷಗಳ ಹಿಂದೆಯೇ ನಿರ್ವಿುಸಲಾಗಿದೆ ಎಂದು ನಮ್ಮೂರ ಹಿರಿಯರು ಹೇಳುತ್ತಾರೆ. ಆದರೆ, ಇದುವರೆಗೂ ಈ ಸೇತುವೆಯ ಬಗ್ಗೆ ಯಾರೊಬ್ಬರೂ ಕಣ್ಣೆತ್ತಿಯೂ ನೋಡಿಲ್ಲ. ಮೇಲ್ನೋಟಕ್ಕೆ ಸೇತುವೆ ಉತ್ತಮವಾಗಿಯೇ ಕಾಣುತ್ತಿದ್ದೂ, ಸೇತುವೆಯ ಕೆಳಭಾಗ ಸಂಪೂರ್ಣ ಶಿಥಿಲಗೊಂಡು ಕಬ್ಬಿಣದ ಸರಳುಗಳು ತುಕ್ಕು ಹಿಡಿದು ಹೊರ ಬಿದ್ದಿವೆ. ಆದ್ದರಿಂದ ಸಂಬಂಧಪಟ್ಟ ಪಿಡಬ್ಲ್ಯುಡಿ ಇಲಾಖೆಯವರು ಸೇತುವೆಯನ್ನು ಪರಿಶೀಲಿಸಿ ಸೂಕ್ತ ಕ್ರಮಕ್ಕೆ ಮುಂದಾಗಬೇಕು ಎಂದು ಒತ್ತಾಯಿಸಿದ್ದಾರೆ.