2014ರಲ್ಲಿ ಸಾಫ್ಟ್ವೇರ್ ಇಂಜಿನಿಯರಿಂಗ್ ಉದ್ಯೋಗ ಬಿಟ್ಟು ಯುಪಿಎಸ್ಸಿ ಕನಸು ಕಂಡಿದ್ದ ತಿಪಟೂರು ತಾಲೂಕು ಹುಚ್ಚಗೊಂಡನಹಳ್ಳಿಯ ಎಚ್.ಎಲ್.ಬಸವಲಿಂಗಯ್ಯ, ತಾಯಿ ಶಶಿಕಲಾ ಅವರ ಪುತ್ರ ವಿವೇಕ್ಗೆ 5ನೇ ಪ್ರಯತ್ನದಲ್ಲಿ 257 ರ್ಯಾಂಕ್ಗಳಿಸಿ ಸದ್ಯ ಐಆರ್ಎಸ್ ಕಸ್ಟಮ್ಸ್ ಆಯ್ಕೆಯಾಗಿದ್ದು ಫರಿದಾಬಾದ್ನಲ್ಲಿ ತರಬೇತಿಯಲ್ಲಿದ್ದರು. 6ನೇ ಪ್ರಯತ್ನದಲ್ಲಿ 444ನೇ ರ್ಯಾಂಕ್ಗಳಿಸಿದ್ದು ಇಡಬ್ಲೂೃಎಸ್ ಅಡಿ ಐಪಿಎಸ್ ಸೇವೆಗೆ ಆಯ್ಕೆಯಾಗುವ ನಿರೀಕ್ಷೆ ಇದೆ. ಸತತ 6 ವರ್ಷಗಳ ಪರಿಶ್ರಮದ ಫಲ ಇದು. ಶಾಲಾ ಸಹಪಾಠಿಗಳು ವಿವೇಕ್ ಕೆಲಸ ಬಿಟ್ಟ ಮೇಲೆ ಯುಪಿಎಸ್ಸಿಗೆ ನೆರವಾಗಲೆಂದು ಪ್ರತೀ ತಿಂಗಳು 5 ಸಾವಿರ ರೂಪಾಯಿ ಆರ್ಥಿಕ ನೆರವು ನೀಡುತ್ತಿದ್ದರು. ಸಹೋದರಿ ಸುಕನ್ಯಾ ಒತ್ತಾಸೆಯಾಗಿದ್ದರು. ವಿವೇಕ್ ಜತೆ ವಿವಾಹ ನಿಶ್ಚಯವಾಗಿರುವ ಶೃತಿ ಅವರೂ ಬೆಂಬಲವಾಗಿ ನಿಂತಿದ್ದರು. ಬಡತನ, ರೈತ ಕುಟುಂಬದಿಂದ ಬಂದಿರುವ ವಿವೇಕ್ಗೆ ಹಸಿವು, ಬಡತನದ ಬೇಗೆ ಗೊತ್ತಿದೆ. ಐಪಿಎಸ್ ನನ್ನ ಕನಸಾಗಿತ್ತು. ಪೊಲೀಸ್ ಇಲಾಖೆ ಸೇರಿದ ಬಳಿಕ ಕಾನೂನು ವ್ಯವಸ್ಥೆ ಕಾಪಾಡುವುದಲ್ಲದೆ, ಬಡವರಿಗೆ ನ್ಯಾಯ ಒದಗಿಸಲು ಪ್ರಾಯಾಣಿಕ ಪ್ರಯತ್ನ ಮಾಡುತ್ತೇನೆ ಎಂದರು ವಿವೇಕ್.
