ಕೆಲ ದಿನಗಳ ಹಿಂದೆಯಷ್ಟೇ ನಾಟಿ ಮಾಡಿದ ಭತ್ತದ ಸಸಿಗಳು ನೆರೆಯಿಂದ ಕೊಳೆತು ಹೋಗಿವೆ. ಪರಿಸರದಲ್ಲಿ ಕಾಮಿನಿ ನದಿ ಸೇರುವ ಮಳೆ ನೀರು ಹರಿಯುವ ತೋಡು ಇದ್ದು, ಯುಪಿಸಿಎಲ್ ಅವೈಜ್ಞಾನಿಕ ಕಾಮಗಾರಿಯಿಂದ ತೋಡಿನಲ್ಲಿ ಹರಿಯಬೇಕಾದ ಮಳೆ ನೀರು ಪ್ರತಿ ಮಳೆಗಾಲದಲ್ಲೂ ಕೃಷಿಭೂಮಿಗೆ ನುಗ್ಗುತ್ತಿದೆ. ಈ ತೋಡಿನ ಇಕ್ಕೆಲಗಳಲ್ಲಿ ನೂರಾರು ಎಕರೆ ಕೃಷಿಭೂಮಿ ಇದ್ದು, ಸಮಸ್ಯೆಗೆ ತತ್ತರಿಸಿ ಇತ್ತೀಚಿನ ದಿನಗಳಲ್ಲಿ ಬೆರಳೆಣಿಕೆ ಮಂದಿ ಮಾತ್ರ ಕೃಷಿ ಮಾಡುತ್ತಿದ್ದು, ಉಳಿದವು ಹಡಿಲುಬಿಡುವಂತಾಗಿದೆ. ಸಂಬಂಧಿಸಿದ ಇಲಾಖೆ ತೋಡಿನ ಹೂಳೆತ್ತುವ ಹಾಗೂ ಅವೈಜ್ಞಾನಿಕ ಕಾಮಗಾರಿ ಬಗ್ಗೆ ಯುಪಿಸಿಎಲ್ ಕಂಪನಿಗೆ ಸೂಕ್ತ ನಿರ್ದೇಶನ ನೀಡಿ ಸಮಸ್ಯೆ ಪರಿಹರಿಸುವಂತೆ ರೈತರು ಒತ್ತಾಯಿಸಿದ್ದಾರೆ.
