ರಾಯಚೂರು ವಿವಿಯಲ್ಲಿ 2022-23ರಲ್ಲಿ ಆಗಿನ ಕುಲಸಚಿವ 2022ರ ಜೂ.30ರಂದು ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾದ ರಾಯಚೂರು ಶಾಖೆಗೆ ಪತ್ರ ಬರೆದು, ಬಾಹ್ಯ ಪರೀಕ್ಷೆ, ಗುತ್ತಿಗೆದಾರರು, ಸರಬರಾಜುದಾರರು ಮತ್ತಿತರೆ ಕಾರಣಗಳಿಗೆ ಬಳಸಲು ವಿವಿ ಹೆಸರಿನಲ್ಲಿ ಉಳಿತಾಯ ಖಾತೆ ತೆರೆದುಕೊಡುವಂತೆ ಕೋರಿದ್ದಾರೆ. ಅದರಂತೆ ಬ್ಯಾಂಕು ಖಾತೆ 049112010000352 ತೆರೆಯಲಾಗಿದೆ. ಇದರ ಕೋಟಿ ರೂ.ಗೂ ಹೆಚ್ಚಿನ ಮೊತ್ತದ ಹಣ ವರ್ಗಾವಣೆ ಆಗಿರುವುದು ಗುಮಾನಿ ಮೂಡಿಸಿದೆ. ಅಚ್ಚರಿಯೆಂದರೆ ವಿವಿ ಆಡಳಿತವು 2022-23ರ ಅವಧಿಯಲ್ಲಿ ಯಾವುದೇ ರೀತಿಯ ಬಾಹ್ಯ ಪರೀಕ್ಷೆ, ನೇಮಕಾತಿ, ಸ್ಪರ್ಧಾತ್ಮಕ ಪರೀಕ್ಷೆಗಳನ್ನು ನಡೆಸಿಲ್ಲ. ಅದಾಗ್ಯೂ ಹಣವನ್ನು ಖಾಸಗಿ ಸಂಸ್ಥೆಗಳಿಗೆ ವರ್ಗಾಯಿಸಿರುವುದು ಅನುಮಾನಗಳಿಗೆ ದಾರಿ ಮಾಡಿಕೊಡುವ ರೀತಿಯಲ್ಲಿದೆ.
