ಎರಡು ವರ್ಷಗಳ ಹಿಂದೆ ವಾರ್ಡ್ ಸಂಖ್ಯೆ 11ರ ಗಂಗಸಂದ್ರದ ಸರ್ವೇ ನಂ.39ರಲ್ಲಿ ಕರ್ನಾಟಕ ನಗರ ನೀರು ಸರಬರಾಜು ಮತ್ತು ಒಳಚರಂಡಿ ಮಂಡಳಿ (ಕೆಯುಡಬ್ಲೂೃಎಸ್ಎಸ್ಬಿ) ನಿರ್ಮಿಸಿದ್ದ ಯುಜಿಡಿ ವೆಟ್ವೆಲ್ನಿಂದ ಉಂಟಾಗಿರುವ ಅವಾಂತರದಿಂದ ಗ್ರಾಮಾಂತರ ಕ್ಷೇತ್ರಕ್ಕೆ ಸೇರಿರುವ ಅಮಾನಿಹೊಸಕೆರೆಯ ಜನರ ಬದುಕು ಹೀನಾಯವೆನಿಸಿದೆ. ಹತ್ತಾರು ಎಕರೆ ತೆಂಗು-ಅಡಕೆ, ಬಾಳೆ ತೋಟಗಳು ತ್ಯಾಜ್ಯ ನೀರಿನಿಂದ ತುಂಬಿಹೋಗಿವೆ. ಇದರಿಂದಾಗಿ ತೆಂಗು-ಅಡಕೆ, ಬಾಳೆ ಕೊಳೆಯುತ್ತಿವೆ. ಅಮಾನಿಹೊಸಕೆರೆಯಲ್ಲಿ 15ಕ್ಕೂ ಹೆಚ್ಚು ಕುಟುಂಬಗಳು ವಾಸವಾಗಿದ್ದು, ಯುಜಿಡಿ ತ್ಯಾಜ್ಯ ನೀರು ಮಳೆನೀರಿನ ಜತೆ ಜನವಸತಿ ಪ್ರದೇಶಕ್ಕೆ ನುಗ್ಗಿ ಜನರು ನಿತ್ಯ ನರಕಯಾತನೆ ಅನುಭವಿಸುವಂತಾಗಿದೆ. ಕಳೆದೊಂದು ತಿಂಗಳಿನಿಂದ ಸುರಿಯುತ್ತಿರುವ ಧಾರಾಕಾರ ಮಳೆ ಜನರ ಬದುಕನ್ನೇ ನರಕವನ್ನಾಗಿಸಿದೆ. ಪಾಲಿಕೆಯಾಗಲಿ, ತಾಲೂಕು ಆಡಳಿತವಾಗಲೀ ಈ ಜನರ ಕೂಗಿಗೆ ಈವರೆಗೆ ಸ್ಪಂದಿಸಿಲ್ಲ.
