ಸರ್ಕಾರ ಪ್ಲಾಸ್ಟಿಕ್​ ರಾಷ್ಟ್ರಧ್ವಜ ನಿಷೇಧಿಸಲಿ...

ಸಮಾನ ಮನಸ್ಕ ಕನ್ನಡಿಗರ ವೇದಿಕೆಯ ಶ್ರೀನಿವಾಸ ರಾವ್​ ಕೆ. ಒತ್ತಾಯ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಭಾರತದ ತ್ರಿವರ್ಣ ಧ್ವಜವು ರಾಷ್ಟ್ರೀಯ ಭಾವೈಕ್ಯದ ಪ್ರತೀಕ ಹಾಗೂ ಸಂಕೇತವಾಗಿದೆ. ಅಂತಹ ಧ್ವಜವನ್ನು ವಾಣಿಜ್ಯಾರ್ಥವಾಗಿ ಪ್ಲಾಸ್ಟಿಕ್​ನಲ್ಲಿ ತಯಾರಿಸಿ ಮಾರಾಟ ಮಾಡುವುದು ಸೂಕ್ತವಲ್ಲ. ಹಿಂದು ಜನ ಜಾಗೃತಿ ಸಮಿತಿ ಇತ್ತೀಚೆಗೆ ಪ್ಲಾಸ್ಟಿಕ್​ ಧ್ವಜ ಮಾರಾಟ ನಿಷೇಧಿಸುವಂತೆ ಜಿಲ್ಲಾಡಳಿತದ ಮೂಲಕ ಸರ್ಕಾರಕ್ಕೆ ಮನವಿ ಸಲ್ಲಿಸಿರುವುದಕ್ಕೆ ಸಮಾನ ಮನಸ್ಕ ಕನ್ನಡಿಗರ ವೇದಿಕೆಯೂ ಬೆಂಬಲಿಸುತ್ತದೆ ಎಂದು ಅಧ್ಯಕ್ಷ ಶ್ರೀನಿವಾಸ ರಾವ್​ ಕೆ. ತಿಳಿಸಿದ್ದಾರೆ.

ಶಿಕ್ಷಕರೂ ಅರಿವು ಮೂಡಿಸಬೇಕು

ಪ್ಲಾಸ್ಟಿಕ್​ ಧ್ವಜವಾಗಿದ್ದರಿಂದ ಅವು ಬೇಗನೆ ನಾಶವೂ ಆಗದೆ ರಸ್ತೆ ಬದಿಯಲ್ಲಿ ಬಿದ್ದಿರುತ್ತದೆ. ಇದು ನಮ್ಮ ಧ್ವಜ ಹಾಗೂ ರಾಷ್ಟ್ರಕ್ಕೆ ಅಪಮಾನ ಮಾಡಿದಂತಾಗುತ್ತದೆ. ಸರ್ಕಾರ ಕೂಡಲೇ ಪ್ಲಾಸ್ಟಿಕ್​ ಧ್ವಜ ಮಾರಾಟವನ್ನು ನಿಷೇಧಿಸಬೇಕು. ಶಾಲಾ-ಕಾಲೇಜುಗಳ ಶಿಕ್ಷಕರೂ ಸಹ ಪ್ಲಾಸ್ಟಿಕ್​ ಬಾವುಟ ಖರೀದಿಸದಂತೆ ವಿದ್ಯಾರ್ಥಿಗಳಿಗೆ ಮೊದಲೇ ಅರಿವು ಮೂಡಿಸಬೇಕು ಎಂದು ಶ್ರೀನಿವಾಸ ರಾವ್​ ಕೆ. ವಿನಂತಿಸಿದ್ದಾರೆ.