ಆಪದ್ಬಾಂಧವ ಖ್ಯಾತಿಯ ಮುಳುಗುತಜ್ಞ ಉಡುಪಿಯ ಈಶ್ವರ ಮಲ್ಪೆ ಅವರಿಗೆ ಸದಾನಂದ ಅವರು ಕರೆ ಮಾಡಿ ನದಿಯಲ್ಲಿ ಬಿದ್ದಿರುವ ಚಿನ್ನದ ಆಭರಣ ಹುಡುಕಿಕೊಡಬಹುದೇ ಎಂದು ವಿನಂತಿಸಿದ್ದರು. ತನ್ನ ತಂಡದೊಂದಿಗೆ ಸ್ಥಳಕ್ಕಾಗಮಿಸಿದ ಈಶ್ವರ್ ಮಲ್ಪೆ, ಸುರಾ ಪರಿಕರಗಳನ್ನು ಧರಿಸಿ, ಕಾರು ಬಿದ್ದಿದ್ದ ಸ್ಥಳಕ್ಕೆ ಬ್ಯಾಟರಿಯೊಂದಿಗೆ ನದಿಗೆ ಇಳಿದು ಹುಡುಕಾಟ ನಡೆಸಿದರು. ಮಳೆಯಿಂದಾಗಿ ನದಿ ನೀರು ಕೆಂಪುಮಯವಾಗಿತ್ತು. ಹುಡುಕಾಟಕ್ಕೆ ತುಸು ತೊಂದರೆಯಾದರೂ ಸಹ ನದಿಯ ಆಳದಲ್ಲಿ ಬಿದ್ದಿದ್ದ ಚಿನ್ನದ ಆಭರಣವಿದ್ದ ಚೀಲವನ್ನು ಕೇವಲ 15 ನಿಮಿಷದಲ್ಲಿ ಪತ್ತೆ ಮಾಡಿ ಮೇಲಕ್ಕೆ ತಂದರು. ಚಿನ್ನ ಕಳೆದುಕೊಂಡಿದ್ದ ಮಾಲೀಕರಿಗೆ ಅದನ್ನು ಹಸ್ತಾಂತರಿಸಿದ ಮಲ್ಪೆ, ಭರವಸೆಯ ನಗು ಬೀರಿದರು.
