ಕೆಸವೆ ಮನೆತನದ ಈ ಬಂಧುಗಳಲ್ಲಿ ಮಂಗಳಾ ಪ್ರವೀಣ್ ಎಂಬವರು ಕುಟುಂಬದ ಪುತ್ರಿಯಾಗಿದ್ದಾರೆ. ಉಳಿದಂತೆ ಶಿಲ್ಪಾ ಗೋಪಾಲಕೃಷ್ಣ, ಅರ್ಚನಾ ರಾಜೇಶ್, ಸ್ವಾತಿ ಪ್ರವೀಣ್, ಜಯಚಿತ್ರಾ ಸುಭಾಶ್, ಭಾಗ್ಯಾ ಶಶಿಧರ್, ಶುಭಾ ಸುನೀಲ್, ಭಾರ್ಗವಿ ರಾಘವೇಂದ್ರ, ಪ್ರಭಾ ಶ್ರೀಕಾಂತ್, ರಚನಾ ಶ್ರೀರಂಗ, ಬೃಂದಾ ಭರತ ಇವರೆಲ್ಲರೂ ಕೆಸವೆ ಮನೆತನದ ಸೊಸೆಯಿಂದಿರು. ಕೃಷಿಕ ಕುಟುಂಬದವರಾದರೂ ಅವರೆಲ್ಲರೂ ಸಹ ವಿದ್ಯಾವಂತರೇ ಆಗಿದ್ದಾರೆ. ಈ ಕಲೆಯಲ್ಲದೆ ಹಪ್ಪಳ, ಸಂಡಿಗೆ, ದೇವರಿಗೆ ಸಮರ್ಪಿಸಲು ಹತ್ತಿಯಿಂದ ತಯಾರಿಸುವ ಗೆಜ್ಜೆ ವಸ್ತ್ರ, ಭಗವದ್ಗೀತೆ ಕಂಠಪಾಠ, ಸಂಗೀತದಲ್ಲಿ ಸಾಧನೆ, ಮಂಡಲ ರಚನೆ, ಹೂವಿನ ಗಾರ್ಡನ್ ಹೀಗೆ ವಿವಿಧ ಚಟುವಟಿಕೆಗಳಲ್ಲೂ ತೊಡಗಿಸಿಕೊಂಡಿದ್ದಾರೆ.
