ಚಿಟ್ಟಾಣಿ ಅಭಿಮಾನಿ ಬಳಗದ ಕಾರ್ಯದರ್ಶಿ ಎಂ.ಗೋಪಿಕೃಷ್ಣ ರಾವ್, ಉಡುಪಿ ಯಕ್ಷಗಾನ ಕಲಾರಂಗದ ಅಧ್ಯಕ್ಷ ಎಂ. ಗಂಗಾಧರ ರಾವ್, ಕಾರ್ಯದರ್ಶಿ ಮುರಳಿ ಕಡೆಕಾರ್ ಉಪಸ್ಥಿತರಿದ್ದರು. ಸಹಕಾರ್ಯದರ್ಶಿ ನಾರಾಯಣ ಎಂ. ಹೆಗಡೆ ಕಾರ್ಯಕ್ರಮ ನಿರ್ವಹಿಸಿದರು.
'ಶ್ರೀರಾಮ ನಿರ್ಯಾಣ' ಪ್ರಸಂಗ
ಸಭಾ ಕಾರ್ಯಕ್ರಮದ ಬಳಿಕ ಉಡುಪಿ ಯಕ್ಷಗಾನ ಕಲಾರಂಗದ ಸಹಕಾರದಲ್ಲಿ ಖ್ಯಾತ ಕಲಾವಿದರ ಒಗ್ಗೂಡುವಿಕೆಯಲ್ಲಿ ಶ್ರೀರಾಮ ನಿರ್ಯಾಣ ಪೌರಾಣಿಕ ಯಕ್ಷಗಾನ ಪ್ರದರ್ಶನಗೊಂಡಿತು.
ಹಿಮ್ಮೇಳದಲ್ಲಿ ವಿದ್ವಾನ್ ಗಣಪತಿ ಭಟ್, ಕವ್ವಾಳೆ ಗಣಪತಿ ಭಾಗವತ, ವಿಘ್ನೇಶ್ವರ ಕರಸರಕೊಪ್ಪ, ಮುಮ್ಮೇಳದಲ್ಲಿ ಹಿರಿಯ ಕಲಾವಿದ ಕೊಂಡದಕುಳಿ ರಾಮಚಂದ್ರ ಹೆಗಡೆ, ತೋಟಿಮನೆ ಗಣಪತಿ ಹೆಗಡೆ, ಅಶೋಕ ಭಟ್ ಸಿದ್ಧಾಪುರ, ವಿನಯ ಬೇರೊಳ್ಳಿ, ಸುಧೀರ ಉಪ್ಪೂರು, ನಾಗೇಂದ್ರ ಮೂರೂರು, ನಾಗೇಶ ಕುಳಿಮನೆ ಪಾಲ್ಗೊಂಡಿದ್ದರು.
ಅ.28ರಂದು ಪ್ರಲ್ಹಾದ ಚರಿತ್ರೆ, ಅ.29ರಂದು ದಕ್ಷ ಯಜ್ಞ, ಅ.30ರಂದು ಬ್ರಹ್ಮ ಕಪಾಲ, ಅ.31ರಂದು ಲಂಕಾ ದಹನ, ನ.1ರಂದು ಸತ್ಯವಾನ ಸಾವಿತ್ರಿ, ನ.2ರಂದು ರಾಜಾ ಬೃಹದ್ರತ ಪ್ರದರ್ಶನ ನಡೆಯಲಿದೆ.
