ಕವನ ಬರೆಯುವುದು ನಮ್ಮ ಆತ್ಮತೃಪ್ತಿಗೆ

ಓದಿನಿಂದ ನಮ್ಮ ಸೃಷ್ಟಿಶೀಲ ಮನಸ್ಸು ಅರಳುತ್ತದೆ. ಹುಡುಕಾಟ ಸಾಧ್ಯವಾಗುವುದು ಓದಿನಿಂದ. ಚಿಕ್ಕ ಸಂಗತಿಗಳನ್ನು ಕಾಣುವ ಕಣ್ಣು, ಹೃದಯ ಬೇಕು. ಕವನ ಬರೆಯುವುದು ನಮ್ಮ ಖುಷಿಗೆ, ನಮ್ಮ ಆತ್ಮತೃಪ್ತಿಗೆ ಎಂದು ರಂಗಭೂಮಿ ಕಲಾವಿದ, ಬರಹಗಾರ ಶಶಿರಾಜ್ ಕಾವೂರು ಹೇಳಿದರು.

ಕನ್ನಡ ಸಾಹಿತ್ಯ ಪರಿಷತ್ ಮೂಲ್ಕಿ ತಾಲೂಕು ಘಟಕ ಕಾರ್ನಾಡಿನ ಮೂಲ್ಕಿ ಸರ್ಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ ಆಯೋಜಿಸಿದ ಸಾಹಿತ್ಯ ಸಂವಾದ ಕಾರ್ಯಕ್ರಮದ ಸಂಪನ್ಮೂಲ ವ್ಯಕ್ತಿಯಾಗಿ ಮಾತನಾಡಿದರು.

ಮೂಲ್ಕಿ ತಾಲೂಕಿನ ವಿವಿಧ ಶಿಕ್ಷಣ ಸಂಸ್ಥೆಗಳ ವಿದ್ಯಾರ್ಥಿಗಳು ಸಂವಾದ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಜೀ ಕನ್ನಡ ವಾಹಿನಿಯ ಸರಿಗಮಪ ಲಿಟ್ಸ್ ಚಾಂಪ್ ವಿಜೇತ ಅಸ್ಮಿತ್ ಎ.ಜೆ. ಹಾಡುಗಳನ್ನು ಹಾಡಿದರು. ಶಶಿರಾಜ್, ಅಸ್ಮಿತ್ ಎ.ಜೆ. ಅವರನ್ನು ಗೌರವಿಸಲಾಯಿತು.

ಮೂಲ್ಕಿ ತಾಲೂಕು ಕಸಾಪ ಅಧ್ಯಕ್ಷ ಮಿಥುನ ಕೊಡೆತ್ತೂರು, ಕಾರ್ಯದರ್ಶಿ ಹೆರಿಕ್ ಪಾಯಸ್, ಪ್ರಕಾಶ್ ಆಚಾರ್, ಸ್ವರಾಜ್ ಶೆಟ್ಟಿ, ದೇವದಾಸ ಮಲ್ಯ, ನಿಶಾಂತ್ ಕಿಲೆಂಜೂರು, ವಿ.ಕೆ.ಯಾದವ್, ರಘುರಾಮ್ ರಾವ್, ಗಿಲ್ಬರ್ಟ್ ಡಿಸೋಜ, ಕಾಲೇಜಿನ ಪ್ರಾಚಾರ್ಯ ಡಾ.ವಾಸುದೇವ ಬೆಳ್ಳೆ, ಕಾಲೇಜು ಸಮಿತಿ ಅಶೋಕ್ ಕುಮಾರ್ ಶೆಟ್ಟಿ ಮೊದಲಾದವರಿದ್ದರು.